Плот з пластыкавых бутэлек у Рэчыцкім раёне стаў хітом тыктоку
Жыхары вёскі Чырвоная Кветка Рэчыцкага раёна пахваліліся ў тыктоку плотам, які не толькі стаў мясцовай славутасцю, але і скарыў карыстальнікаў тыктоку.
Відэа з гэтай крэатыўнай канструкцыяй з выкарыстаных пластыкавых бутэлек набрала папулярнасць, а каментатары сышліся ў меркаванні, што гэта ўдалы прыклад другаснай перапрацоўкі і народнай вынаходлівасці.
«Гэта ж колькі прыйшлося яго рабіць», — напісаў адзін з карыстальнікаў, падкрэсліваючы велізарны аб'ём працы.
«Затое бюджэтна».
Яшчэ адзін каментатар назваў гэта «хэнд-мэйд задорага», на што аўтар роліка vesna з гумарам адказаў: «Затое як прыцягвае ўвагу».
Іншыя карыстальнікі хвалілі экалагічны аспект — што бутэлькі не сталі смеццем у лесе: «Гэта лепш, чым яны па кустах і палях валяюцца. Асабіста ў нас увесь лес захламлены».
Іншы каментар гумарыстычна прапанаваў перайменаваць населены пункт у «вёску Бухалкіна».
«Ох, скажыце мне, гэта колькі трэба было піць, каб зрабіць такі плот?» — запытаў адзін з каментатараў. Але адказ аўтара роліка быў, што трэба мець сяброў.
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары