Найбуйнейшы імпарцёр расійскай нафты, Індыя, скараціла закупкі нафты ў Расіі і гатовая цалкам замяніць яе на нафту з Саудаўскай Аравіі, паведамляе Reuters са спасылкай на крыніцы.
Найбуйнейшыя нафтаперапрацоўчыя заводы Індыі — Bharat Petroleum і найбуйнейшы ў краіне Indian Oil — ужо цяпер разглядаюць магчымасць набыць у саудаўскай кампаніі Saudi Aramco па 1 млн барэляў нафты.
Адзначаецца, што расійская нафта стварае Індыі ўсё больш праблем і больш не з'яўляецца вельмі прывабнай. У прыватнасці, купля расійскай лёгкай маласерністай нафты «Сокал» спалучаная з праблемамі пры спробах правесці плацеж, расказаў адзін з суразмоўцаў агенцтва. Акрамя таго, Індыя ўжо скараціла закупкі нафты ў Расіі ў сувязі з непрывабнымі зніжкамі.
У выніку Indian Oil імкнецца закупляць больш паліва з Саудаўскай Аравіі і Заходняй Афрыкі. Тым больш што Саудаўская Аравія ў студзені знізіла цэны да самага нізкага ўзроўню за 27 месяцаў, таму найбуйнейшы індыйскі НПЗ зацікавіўся дадатковай замовай.
У прыватнасці, у пачатку года Saudi Aramco знізіла цэны на лютаўскія пастаўкі нафты сваёй ключавой маркі Arab Light ва ўсіх рэгіёнах на фоне зніжэння попыту. У выпадку з Азіяй цэны ўпалі на 1,5-2 даляры за барэль.
Каментары