ГУБАЗіК зноў са стральбой затрымліваў чалавека. На гэты раз за хабар
Затрымалі кіраўніка аднаго з вядучых прадпрыемстваў сталіцы.
Аператыўнікі 5-га ўпраўлення (па Мінску) ГУБАЗіК сумесна з байцамі САХР затрымалі мужчыну за тое, што атрымаў хабар у асабліва буйным памеры. Яго змоўшчыкаў — бацьку і двух пасярэднікаў — таксама змясцілі ў ІЧУ.
Кіраўнік прадпрыемства ў абмен на кантракты з замежнай кампаніяй аб пастаўцы камплектуючых да электрапрыбораў патрабаваў у замежных партнёраў вялікія ўзнагароды. Так, у лістападзе мінулага года ён атрымаў 15 тысяч даляраў. Яшчэ адзін транш у 18 тысяч даляраў прыйшоўся на снежань. Аднак забіраць апошнюю партыю грошай мужчына не спяшаўся.
Як піша МУС, для канспірацыі ён уцягнуў у схему бацьку, які прымаў грошы ад пасярэднікаў.
Сілавікі сцвярджаюць, што, калі затрымлівалі кіраўніка на вуліцы Малініна ў Мінску, той паспрабаваў уцячы на аўто. Сілавікі стралялі па колах.
У фігурантаў справы праведзены агляды па месцах жыхарства, канфіскаваная вялікая сума наяўных у розных валютах.
Следчымі завялі крымінальную справу за атрыманне хабару ў асабліва буйным памеры.
-
У аварыі ў Слуцкім раёне загінулі чатыры чалавекі з адной машыны
-
Жыхар Ваўкавыска падклаў пад штаны пластыкавы кантэйнер і стрэліў сабе ў нагу з вінтоўкі. Ён праводзіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
Мінгандлю выпадкова зліла дакумент, у якім паказала, як і за што налічвае прэміі10
Каментары