МЗС Расіі выдала руку Зяленскага за руку вайскоўца з татуіроўкай «Бога няма»
Афіцыйны акаўнт МЗС РФ у Х (былы Twitter) апублікаваў калаж з дзвюх фатаграфій, зробленых падчас сустрэчы Уладзіміра Зяленскага і брытанскага прэм'ера Рышы Сунака з украінскімі вайскоўцамі.
Усе кадры сапраўдныя. Аднак у сваёй публікацыі МЗС РФ абвёў руку Зяленскага на плячы Сунака на адным фота і злучыў гэтую абводку з татуіраванай рукой ужо вайскоўца, які абдымае Сунака на другім фота. Тым самым МЗС РФ выдаў руку вайскоўца за руку Зяленскага. Прычым на другім фота сам Зяленскі адышоў і фатаграфуе сваіх візаві, звяртае ўвагу The Insider.
На руцэ вайскоўца відаць некалькі татуіровак, адна з іх — «Бога няма». МЗС РФ суправадзіў свой калаж з чырвонымі кружочкамі подпісам: «Карціна, якая каштуе тысячы слоў: «Бога няма», — абвяшчае татуіроўка. І сапраўды, для бязбожнага кіеўскага рэжыму, неанацыстаў і іх ваяўнічых заходніх спонсараў няма нічога святога. Адсюль піяр-хады на касцях, ганенні на праваслаўных, забойствы журналістаў і г.д.».
«Хлопцы, рукі працуюць не так», — падпісаў фэйк заснавальнік Bellingcat Эліёт Хігінс.
-
Расія першапачаткова патрабавала ад Украіны тэрыторыі чатырох рэгіёнаў у іх адміністрацыйных межах
-
Да жніўня 2025 года на вайне загінула каля 220 тысяч расіян — ацэнка «Медыязоны» і «Медузы»
-
«Засуньце сабе санкцыі ў адно месца, спадар танцор на касцях». Камандзір Сіл беспілотнікаў УСУ рэзка адказаў міністру замежных спраў Венгрыі
Цяпер чытаюць
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма7
Каментары