22 студзеня беларускага дальнабойніка знайшлі мёртвым у Зітэнзене (зямля Ніжняя Саксонія). Прыкмет гвалтоўнай смерці не выяўлена, паведамляе сайт «Беларусь і свет».
Раніцай у панядзелак у паліцыю паведамілі пра мужчыну, які спаў у кабіне грузавіка на прыватнай паркоўцы і не рэагаваў на крыкі і грукі. Паліцыянты, якія прыбылі, разбілі акно і адчынілі кабіну, каб дабрацца да кіроўцы.
46-гадовага мужчыну спрабавалі беспаспяхова рэанімаваць, але ўрэшце лекары хуткай дапамогі канстатавалі ягоную смерць. Паводле гэтай справы распачалі расследаванне.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні45
Каментары