Журналістка Захарава пракаментавала дзеянні хакеіста Сушко, які, здаецца, ушчыпнуў яе ніжэй за спіну
У інтэрнэце вялікі рэзананс выклікала інтэрвʼю хакеіста «Сібіры» Максіма Сушко карэспандэнту «Беларусь 5» Крысціне Захаравай. Здаецца, беларускі хакеіст ушчыпнуў тэлежурналістку ніжэй за спіну. Крысціна пракаментавала для sport5.by гэты эпізод.
«Прыемна даведацца, што так уважліва ўсе глядзяць нашыя флэш-інтэрвʼю. І старанна шукаюць таемныя знакі ў кожным руху», — паспрабавала пажартаваць яна.
Яна патлумачыла, што ўсё было ў жывым эфіры.
«Макс адказаў на фінальнае пытанне і паспяшаўся ўжо сыходзіць у распранальню.
А яшчэ ідзе жывы эфір і я перадаю слова каментатарам! Бакавым зрокам бачу, што ён збіраецца сыходзіць і спрабуе гэта зрабіць за маёй спінай. Зразумела, што гэта будзе некарэктна ў кадры і прытрымала яго! Аператар са сярэдняга плана сышоў на буйны, таму не зусім зразумела, што ж за рухі былі такія», — сказала яна.
Дзяўчына дадала, што з Максімам яны знаёмыя «ледзь не з дзяцінства».
«Дружная з сямʼёй! Таму камунікуем заўсёды па-сяброўску! Так што, ніякай інтрыгі, працоўны момант», — сказала Крысціна Захарава.
Крысціна Захарава зʼяўляецца дачкой трэнера Міхаіла Захарава, блізкага да Аляксандра Лукашэнкі. А Максім Сушко — сын Сяргея Сушко, генеральнага дырэктара ХК «Дынама-Мінск».
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ5
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары