Прыладу забойства знайшла жанчына ў снезе.
Знойдзены нож, якім, як мяркуецца, была забітая касір абменніка ля мінскага ўніверсама «Аўтазаводскі». Пра гэта паведамілі ў Генеральнай пракуратуры Беларусі.
«Гэта самаробны кухонны нож з наборнай ручкай.
Яго нядаўна знайшла ў снезе жанчына непадалёк ад месца забойства», — паведамілі ў Генпракуратуры.
Як раней паведамлялася, каля ўніверсама «Аўтазаводскі» (вул. Варвашэні) вечарам 10 снежня 2009 года быў знойдзены труп касіра абменнага пункта валюты 21‑гадовай мінчанкі Таццяны Пятровай. Цела дзяўчыны з мноствам колата‑рэзаных ранаў на шыі і целе знайшоў кіроўца‑інкасатар. Па факце забойства заведзена крымінальная справа па ч.2 арт.139 «Забойства» КК Беларусі.
У ходзе расследавання злачынства быў прароблены вялікі аб’ём працы, прагледжаныя сотні гадзін відэазапісаў з камер назірання. Устаноўлена, што злачынца прыходзіў на працягу некалькіх дзён да абменнага пункту, аглядаючы магчымыя шляхі пранікнення і адыходу.
На адным з запісаў бачна, што да яго падышоў і некаторы час размаўляў невядомы мужчына.
Любая інфармацыя, нават нязначная, можа прадстаўляць вялікую каштоўнасць для следства, зазначаюць у пракуратуры.
Каментары