Новы камандуючы тэрабаронай Украіны кіраваў унутранымі войскамі пры разгоне Майдана
Камандуючым войскамі тэрытарыяльнай абароны Украіны Уладзімір Зяленскі прызначыў Ігара Плахуту. На час Рэвалюцыі Годнасці той працаваў у МУС і кіраваў сіламі ўнутраных войск падчас разгону Майдана, піша «Украінская праўда».
Уначы 10 снежня 2013 года праваахоўнікі зачысцілі ўрадавы квартал ад барыкад Еўрамайдана. Пазней Плахута, у той час начальнік упраўлення Паўднёвага тэрытарыяльнага камандавання ўнутраных войскаў МУС, заявіў, што для расчысткі вуліц прыцягнулі каля 400 байцоў Унутраных войскаў і спецатрада «Беркут».
Паводле яго слоў, «людзі ў чорным, якія разбіралі барыкады, былі камунальнікамі».
Тады ж Плахута даваў справаздачу аб нібыта двух пацярпелых «беркутаўцах».
21 студзеня 2014 года, як пісалі СМІ, сілавік выйшаў да мітынгоўцаў для перамоваў, і што гэта быў менавіта дзейны камандуючы войскамі тэрытарыяльнай абароны.
У 2005-2008 гадах Плахута служыў камандзірам асобнай прэзідэнцкай брыгады.
Па стане на 2009 год быў камандзірам 169-га навучальнага цэнтра. Пасля — начальнікам упраўлення Паўднёвага тэрытарыяльнага камандавання ўнутраных войскаў МУС.
Раней сілы тэрытарыяльнай абароны ўзначальваў Анатоль Баргілевіч (яго прызначылі галоўным у Генштаб УСУ).
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары