Беларускія ксяндзы з'ездзілі на чэмпіянат Еўропы па футболе. Вынік так сабе
З 5 па 9 лютага ў Албаніі прайшоў чэмпіянат Еўропы па футболе сярод святароў Futsal 2024. У спаборніцтвах удзельнічалі 17 каманд з усёй Еўропы, у тым ліку з Беларусі, паведамляе сайт Гродзенскай дыяцэзіі.
Беларуская каманда, якая складалася са святароў усіх беларускіх каталіцкіх дыяцэзій, праўда, асаблівых поспехаў на гэтым незвычайным турніры не дабілася, заняўшы толькі 15-е месца з 17-ці. Але гэтаму ёсць апраўданне — яна выступала не ў мацнейшым складзе.
Як сказаў прэфект Вышэйшай духоўнай семінарыі ў Гродне ксёндз Ян Раманоўскі, некаторыя святары, якія нібыта маглі б вельмі дапамагчы камандзе на гэтым чэмпіянаце, не мелі магчымасці ўдзельнічаць у ім з-за сваіх душпастырскіх абавязкаў.
Першае месца на турніры заняла каманда Харватыі, другое — Польшчы, трэцяе — Босніі і Герцагавіны.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары
Анёлы не ганяюць мяч, Госпаду гэта не трэба.