Свет55

Раптоўна памёр 35-гадовы сын Ігара Сечына — кіраўніка «Раснафты» 

У рэестры спадчынных спраў з'явіўся запіс аб смерці сына кіраўніка «Раснафты» Ігара Сечына, 35-гадовага Івана. Увагу на гэта звярнуў былы віцэ-прэзідэнт ЮКАСа Леанід Неўзлін. Да гэтага пра смерць сына Сечына не паведамлялася. 

«Напэўна, цяжка паверыць, але я шчыра спачуваю бацьку, які страціў дзіця. Як спачуваю маме Аляксея Навальнага. Як спачуваў апошнія гады маме Боры Нямцова, якая пакінула нас у гэтым месяцы. Мае спачуванні сямʼі Сечыных, вымушанай хаваць сваё гора», — напісаў Неўзлін. 

Паводле рэестру, Іван Ігаравіч Сечын памёр 5 лютага, яму было 35 гадоў. Раней пра яго смерць і яе прычыны публічна не паведамлялася. 

«Медиазона», праверыўшы запіс у рэестры пераканалася, што ён аформлены на Івана Ігаравіча Сечына 1989 года нараджэння, які жыў у Маскве па адрасе Шведскі тупік, дом 3. У 2013 годзе РБК называла гэты будынак домам для паплечнікаў Пуціна. Паводле інфармацыі РБК, там жыў у тым ліку і Ігар Сечын. 

Паводле ўцечак з расейскіх баз звестак, піша «Медиазона», Іван Сечын працаваў у «Раснафце» з 2014 года. У студзені 2015 года, калі яму было 25 гадоў, ён атрымаў медаль ордэна «За заслугі перад Айчынай» II ступені.

У 2022 годзе ён трапіў пад санкцыі ЗША за ўварванне ва Украіну як сын свайго бацькі.

Па афіцыйна не пацверджанай інфармацыі канала ВЧК-ОГПУ, прыкладна ў 04:30 у ноч на 5-е лютага 35-гадовы Іван паскардзіўся, што яму дрэнна, ён задыхаецца. Мужчына ўпаў і страціў прытомнасць. Яму імкнуліся зрабіць першасныя рэанімацыйныя мерапрыемствы. Адначасова хуткую выклікаў ахоўнік Івана Сечына, праўда, назваў недакладны адрас. У выніку медыкі ехалі амаль дзве гадзіны. Калі хуткая прыбыла на месца, то лекары толькі змаглі канстатаваць смерць Івана. 

Крыніца ВЧК-ОГПУ распавяла, што афіцыйнай прычынай смерці 35-гадовага Івана Сечына названы тромб. 

Пры гэтым Сечын забараніў супрацоўнікам СКР, ФСБ і іншым сілавікам займацца пытаннямі смерці Івана.

Па даных ВЧК-ОГПУ, на трэція суткі пасля смерці мужчына быў пахаваны.

Іван быў адзіным сынам Ігара Сечына. Вядома, што ў яго яшчэ ёсць дзве дачкі. 

Каментары5

  • Вышэй за бога
    20.02.2024
    Бог не фраер...
  • Здыхлік
    20.02.2024
    Пуцін жорстка пасвіць свой статак халуёў.
  • Хлусня
    20.02.2024
    Выводзяць з-пад санкцый
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Каспяровіч памёр тры дні таму, але цела знайшлі толькі цяпер1

Каспяровіч памёр тры дні таму, але цела знайшлі толькі цяпер

Усе навіны →
Усе навіны

Лукашэнка: Я прачытаў тое, што пісалі ў тыктоках, «тыктокаліся» нашы выкладчыкі12

Час праезду беларуска-літоўскай мяжы аўтобусамі павялічыўся да 10-12 гадзін5

Лукашэнка: Беларусь заўсёды была, ёсць і будзе разам з Расіяй63

Вось колькі каштуе Ізраілю вайна з Іранам. Самае дарагое — абарона свайго неба2

У калоніі №15 Магілёва знялі з пасады адыёзнага начальніка, які здзекаваўся з палітвязняў3

За адсутнасць бульбы прапануюць штрафаваць да 8 400 рублёў3

Расія перадала Украіне целы не толькі ўкраінскіх, але і расійскіх салдат3

У Расіі заснавальніцу руху «Армія прыгажунь» прысудзілі да 22 гадоў пазбаўлення волі

Прапагандыст Мукавозчык апісаў, як праходзіць пасяджэнне камісіі па вяртанні. Калі ў вас былі ілюзіі, то пакіньце іх27

больш чытаных навін
больш лайканых навін

Каспяровіч памёр тры дні таму, але цела знайшлі толькі цяпер1

Каспяровіч памёр тры дні таму, але цела знайшлі толькі цяпер

Галоўнае
Усе навіны →

Заўвага:

 

 

 

 

Закрыць Паведаміць