Śviet55

Raptoŭna pamior 35-hadovy syn Ihara Siečyna — kiraŭnika «Rasnafty» 

U rejestry spadčynnych spraŭ źjaviŭsia zapis ab śmierci syna kiraŭnika «Rasnafty» Ihara Siečyna, 35-hadovaha Ivana. Uvahu na heta źviarnuŭ były vice-prezident JUKASa Leanid Nieŭźlin. Da hetaha pra śmierć syna Siečyna nie paviedamlałasia. 

«Napeŭna, ciažka pavieryć, ale ja ščyra spačuvaju baćku, jaki straciŭ dzicia. Jak spačuvaju mamie Alaksieja Navalnaha. Jak spačuvaŭ apošnija hady mamie Bory Niamcova, jakaja pakinuła nas u hetym miesiacy. Maje spačuvańni siamji Siečynych, vymušanaj chavać svajo hora», — napisaŭ Nieŭźlin. 

Pavodle rejestru, Ivan Iharavič Siečyn pamior 5 lutaha, jamu było 35 hadoŭ. Raniej pra jaho śmierć i jaje pryčyny publična nie paviedamlałasia. 

«Miediazona», pravieryŭšy zapis u rejestry pierakanałasia, što jon aformleny na Ivana Iharaviča Siečyna 1989 hoda naradžeńnia, jaki žyŭ u Maskvie pa adrasie Šviedski tupik, dom 3. U 2013 hodzie RBK nazyvała hety budynak domam dla paplečnikaŭ Pucina. Pavodle infarmacyi RBK, tam žyŭ u tym liku i Ihar Siečyn. 

Pavodle ŭciečak z rasiejskich baz źviestak, piša «Miediazona», Ivan Siečyn pracavaŭ u «Rasnafcie» z 2014 hoda. U studzieni 2015 hoda, kali jamu było 25 hadoŭ, jon atrymaŭ miedal ordena «Za zasłuhi pierad Ajčynaj» II stupieni.

U 2022 hodzie jon trapiŭ pad sankcyi ZŠA za ŭvarvańnie va Ukrainu jak syn svajho baćki.

Pa aficyjna nie paćvierdžanaj infarmacyi kanała VČK-OHPU, prykładna ŭ 04:30 u noč na 5-je lutaha 35-hadovy Ivan paskardziŭsia, što jamu drenna, jon zadychajecca. Mužčyna ŭpaŭ i straciŭ prytomnaść. Jamu imknulisia zrabić pieršasnyja reanimacyjnyja mierapryjemstvy. Adnačasova chutkuju vyklikaŭ achoŭnik Ivana Siečyna, praŭda, nazvaŭ niedakładny adras. U vyniku miedyki jechali amal dźvie hadziny. Kali chutkaja prybyła na miesca, to lekary tolki zmahli kanstatavać śmierć Ivana. 

Krynica VČK-OHPU raspaviała, što aficyjnaj pryčynaj śmierci 35-hadovaha Ivana Siečyna nazvany tromb. 

Pry hetym Siečyn zabaraniŭ supracoŭnikam SKR, FSB i inšym siłavikam zajmacca pytańniami śmierci Ivana.

Pa danych VČK-OHPU, na trecija sutki paśla śmierci mužčyna byŭ pachavany.

Ivan byŭ adzinym synam Ihara Siečyna. Viadoma, što ŭ jaho jašče jość dźvie dački. 

Kamientary5

  • Vyšej za boha
    20.02.2024
    Boh nie frajer...
  • Zdychlik
    20.02.2024
    Pucin žorstka paśvić svoj statak chałujoŭ.
  • Chłuśnia
    20.02.2024
    Vyvodziać z-pad sankcyj

Ciapier čytajuć

Ciemnaskury student u Minsku paskardziŭsia Łukašenku na darahuju koka-kołu. Užo vybačaŭsia, ale milicyja im zacikaviłasia6

Ciemnaskury student u Minsku paskardziŭsia Łukašenku na darahuju koka-kołu. Užo vybačaŭsia, ale milicyja im zacikaviłasia

Usie naviny →
Usie naviny

Biełarusy pikietavali pasolstva Hiermanii ŭ Vilni, patrabujučy pakarańnia dla sadysta Šynvize8

Śviatar Alaksandr Kuchta pryznaŭsia, što supracoŭničaje z «Bajsołam», i raskazaŭ, jak pracuje heta arhanizacyja5

Minhandlu vypadkova źliło dakumient, u jakim pakazała, jak i za što naličvaje premii12

Łukašenka daručyŭ Hałoŭčanku dapracoŭvać prahramu sacyjalna-ekanamičnaha raźvićcia na nastupnuju piacihodku3

Prakopjeŭ pra skandał vakoł Stryžaka: Nie treba kožny vypadak drennych manier analizavać praz hiendar. Heta pašlacina, jano pieraškadžaje pieramahčy Pucina18

Sud Babrujskaha rajona pryznaŭ «ekstremisckim» sajt Rady ministraŭ Paŭnočnych krain

Łukašenka raskrytykavaŭ ptuškafabryki za parušeńnie sanitarnych normaŭ. A sam chadziŭ pa adnoj ź ich z Umkam8

Minski «Kamvol» nie pracuje, i pry hetym u jaho naźbirałasia 200 miljonaŭ daŭhoŭ9

Maci Kaciaryny Vadanosavaj zastajecca ŭ Polščy. Sud vynies pramiežkavaje rašeńnie

bolš čytanych navin
bolš łajkanych navin

Ciemnaskury student u Minsku paskardziŭsia Łukašenku na darahuju koka-kołu. Užo vybačaŭsia, ale milicyja im zacikaviłasia6

Ciemnaskury student u Minsku paskardziŭsia Łukašenku na darahuju koka-kołu. Užo vybačaŭsia, ale milicyja im zacikaviłasia

Hałoŭnaje
Usie naviny →

Zaŭvaha:

 

 

 

 

Zakryć Paviedamić