Намеснік старшыні Рады бяспекі і экс-прэзідэнт Расіі Дзмітрый Мядзведзеў, выступаючы на марафоне «Веды. Першыя», паказаў нібыта «новую» карту Усходняй Еўропы, на якой часткі цяперашняй Украіны знаходзяцца ў складзе іншых дзяржаў.
На карце бачна, што Вінніцкая вобласць нібыта можа аказацца ў складзе Румыніі, Ужгарад — Венгрыі, Польшча нібыта атрымае Львоў, Івана-Франкоўск і Жытомір, а астатнія рэгіёны далучацца да Расіі.
На ілюстрацыі Адэса, Мікалаеў, Чаркасы, Чарнігаў, Палтава, Днепр, Запарожжа, Сумы, Херсон уваходзяць у склад РФ. Непрызнанае Прыднястроўе на гэтай карце таксама лічыцца за Расіяй.
Украіне ж, згодна з гэтай картай, застанецца невялікі кавалак тэрыторыі з цэнтрам у Кіеве.
«Расіі трэба ісці цяперашнім шляхам. Гістарычныя часткі краіны павінны вярнуцца дадому», — рэзюмаваў намеснік старшыні Рады Бяспекі.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў16
Каментары