Байцы «Рускага добраахвотніцкага корпуса» заявілі, што паланілі 25 салдат падчас рэйдаў у Белгарадскую і Курскую вобласці. Белгарадскі праект «Пепел» лічыць відэаролік РДК пастановачным, піша Deutsche Welle.
Расійскія добраахвотнікі з так званага «Рускага добраахвотніцкага корпуса» (РДК), якія ваююць на баку Украіны, паведамілі, што падчас рэйдаў у Белгарадскай і Курскай абласцях узялі ў палон 25 расійскіх вайскоўцаў. Telegram-канал выдання Astra ў суботу выклаў відэаролік РДК з допытам расіяніна, які прадставіўся старшым лейтэнантам Аляксеем Колатавым і заявіў, што быў узяты ў палон байцамі РДК.
Маці Аляксея Колатава пацвердзіла Astra, што той знаходзіцца ў палоне. Яна сказала, што сын служыць па кантракце, у 2023 годзе тэрмін яго кантракту скончыўся, аднак са службы яго не адпусцілі.
Лідар падраздзялення РДК, неанацыст Дзяніс Капусцін (White Rex), асуджаны ў Расіі на пажыццёвы тэрмін, запрасіў губернатара Белгародскай вобласці Гладкова на сустрэчу, каб перадаць палонных расіянаў на відэа РДК. Акрамя допыту Колатава, паказаныя людзі ў вайсковай форме са складзенымі ў замок рукамі, іх твараў не відаць.
«Пепел»: Відэа РДК — пастановачнае
Белгарадскі незалежны праект «Пепел», прааналізаваўшы відэаролік РДК, выказаў здагадку, што ён насамрэч пастановачны і адзіны сапраўдны вайсковец на ім — Колатаў. Удзельнікі праекта ў ліку іншага звярнулі ўвагу на тое, што на руках «ваеннапалонных» няма фіксатараў, якія звычайна выкарыстоўваюцца для абезрухоўлівання, напрыклад пластыкавых хамутоў.
Некаторыя з удзельнікаў роліка імітуюць, што ў іх звязаныя рукі. На відэа выразна прыкметна, што ў «ваеннапалоннага» пасярэдзіне, які пасля падымае рукі, склаўшы іх у замок, рукі не звязаныя: кісці ляжаць адзін на адным у свабодным становішчы, а ў пачатку роліка відаць, што расіянін падняў толькі адну руку. Калі прыгледзецца ўважліва, то можна ўбачыць, што вайсковец злева ад цэнтральнага «ваеннапалоннага» сядзеў са свабоднымі рукамі і ў момант здымкі складае іх у замок, тлумачыць «Пепел» у сваім тэлеграм-канале.
Гэта ўжо не першы выпадак, калі РДК паведамляе аб захопе палонных у Белгародскай вобласці і заклікае губернатара Гладкова сустрэцца для абмену. Гладкоў у перамовах не ўдзельнічаў, спасылаючыся на тое, што РДК, хутчэй за ўсё, забіў палонных вайскоўцаў. Пасля аказалася, што тыя жывыя. Іх лёс невядомы.
Цяпер чытаюць
Медыйны прэс-сакратар МНС Віталь Дамбоўскі пайшоў у псіхолагі-сэксолагі6
Каментары
Чаму? Таму што гледзячы на рэальныя дзеянні сапраўднага супраціва пуціну ўсё больш маскавітаў усьведамляюць, якія гэтыя навальністы балалаболы нікчэмы і хутка 'мядузам' няма будзе дзе харчавацца.