Грамадства11

Бізнэсмен з-за мяжы паспрабаваў «купіць» дзяржаўны баскетбольны клуб. Вось што з гэтага выйшла

Спартыўны журналіст Аляксандр Івулін правёў некалькі дзён у кампаніі аднаго з самых медыйных беларускіх бізнэсменаў Аляксандра Кныровіча, каб зрабіць відэа для свайго праекта Часнок-Live. Сярод іншага яны згулялі ў баскетбол у 33, а паводле ўмовы гульні той, хто прайграў, мусіў паспрабаваць купіць баскетбольны клуб «Мінск», які цяпер правальваецца ў Адзінай Лізе ВТБ настолькі, што прайграў 30 матчаў з 30. Заданне ўрэшце мусіў выконваць Кныровіч, піша «Трыбуна». 

Аляксандр Івулін і Аляксандр Кныровіч

Ахвотных атрымаць спонсарскія грошы ўдалося адшукаць не адразу. Гэта не ўвайшло ў сюжэт праграмы, але як расказаў сам Івулін, спачатку ў офісе «Мінска» не бралі слухаўку, а пасля прапаноўвалі пазваніць у іншы дзень. Калі ж «спонсар» усё ж настойваў, то кудысьці схадзілі, запыталіся і далі кантакт маркетынгу, а адтуль ужо пераадрасавалі да менеджара Аляксандра Кобрынца, які і адказвае за працу са спонсарамі.

Адразу мужчына насцеражыўся праз нумар тэлефона, не падобны да беларускага, але, здаецца, аргумент Кныровіча, што сваім рэальным кантактам ён будзе гатовы падзяліцца, калі перамовы выйдуць на іншы ўзровень, падаўся пераканаўчым.

У размове бізнэсмен пацікавіўся, якую суму яму трэба ўкласці, каб не проста быць адным са спонсараў, але мець нейкі ўплыў на тое, што адбываецца з клубам. Ягоны суразмоўца ці то не зразумеў сутнасць пытання, ці то вырашыў праігнараваць такую акалічнасць, але замест канкрэтнага адказу пачаў расказваць пра супрацу ў межах дзяржпадтрымкі.

Кныровіч таксама спрабаваў зразумець, якія сумы ў цэлым даюць спонсары — гэта 100 тысяч, ці 200 тысяч у год, на што атрымаў адказ, што якраз такія сумы клуб і атрымлівае ад спонсараў па дзяржпадтрымцы. Пры гэтым суразмоўца адзначыў, што на тэндэнцыю беларускага баскетбола такая сума не паўплывае, але імідж клуба нібыта паправіць можна.

Калі бізнэсмен пацікавіўся, ці магчыма, каб пул інвестараў выкупіў клуб, то Кобрынец спаслаўся на федэрацыю, але выказаў меркаванне, што там не дазволяць. Маўляў, клуб дзяржаўны, уся маёмасць таксама належыць дзяржаве, а існуе ён за кошт дзяржбюджэту і спонсарскіх сродкаў.

На развітанне Кобрынец проста парадаваўся, што хоць нехта гатовы даваць грошы клубу ў сённяшнім становішчы, ізноў жа забыўшы пра тое, што суразмоўцу цікавіла магчымасць уплываць на працэсы ў «Мінску» ў абмен на свае грошы.

«Дзякуй і вельмі прыемна, што на фоне такіх няўдалых пакуль выступаў ёсць людзі, якія гатовыя на агульнае развіццё баскетбола нешта ўкласці», — сказаў клубны менеджар.

Чытайце таксама:

«Азаронак бранябойна стаяў, а Пуставы паплыў». Івулін пра гісторыю ў мінскім метро

Ці ўсіх пазнаеце? Беларускія палітыкі і селебрыці дзеляцца, як выглядалі ў 21 год ФОТЫ

У Аляксандра Івуліна новы ютуб-канал і новае шоу. Што там цікавага?

Хто ў беларускім ютубе робіць крутыя відэагутаркі? Шэсць рэкамендацый для прагляду на доўгія зімовыя вечары

Каментары1

  • Алег
    19.03.2024
    При моем уважении к Кныровичу. Могу сказать, что бизнес в основном думает о том как заработать деньги и западные компании которые приходят в Беларусь не отличаются высокими этическими стандартами. Взять например контрактную систему. Бизнес с радастью перешел на нее потому что она выгодна. Хотя она ставит в рабские условия работников. По закону даже сейчас предусмотрен найм по бесрочному трудовому договору. Например а1 отключал интернет во время протестов и т.д.
    Я знаю только двух бизнесменов пострадавших за политику Кнырович и Бабарико.
    Поэтому когда говорят какой бедный бизнес в Беларуси и как он мучается , да хотел я плювать на его проблемы.
    Мне ближе страны скандинавии где распространены левые идеи.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Усе навіны →
Усе навіны

На ўсходзе Кітая адбыўся магутны выбух на хімічным заводзе

Настаўніца з запраўкі ў Вілейцы расказала, чаму пайшла са школы6

У Беларусі дабудавалі самы высокі ў краіне панэльны дом. І знаходзіцца ён не ў Мінску2

Прарасійскія актывісты пачалі цкаваць Юрыя Жыгамонта, які вярнуўся на ютуб з «Падарожжамі дылетанта»74

«Выходны ў сераду — гэта бомба». Беларус сам зрабіў сабе 4-дзёнку — і дзеліцца вынікамі з кам’юніці3

Памёр заснавальнік Інстытута парламентарызму і прадпрымальніцтва Алег Марозаў

Экс-прафесар эканамічнага факультэта Маскоўскага ўніверсітэта скончыў жыццё самагубствам пасля таго, як аддаў махлярам 650 тысяч даляраў4

«Мінсктранс» арганізуе бясплатную перасадку ў аўтобусы на мяжы Беларусі і Польшчы1

Якія сімптомы паказваюць на рак кішачніка і што правакуе яго развіццё? Тлумачыць анколаг15

больш чытаных навін
больш лайканых навін

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Галоўнае
Усе навіны →

Заўвага:

 

 

 

 

Закрыць Паведаміць