Свет33

Беларусы за мяжой пачалі адзначаць Дзень Волі ФОТЫ

Акцыі да Дня Волі ў дыяспарах у розных гарадах і краінах пачаліся на гэтыя выхадныя.

У Варшаве прайшлі мітынг і шэсце з нацыянальнымі сцягамі, удзел у якіх прынялі беларускія актывісты і грамадскія дзеячы, палітыкі, прадстаўнікі беларускіх ініцыятыў і беларусы Варшавы. 

Акцыя ў Варшаве. Фоты чытачоў
Павел Латушка на шэсці ў Варшаве
Павел Латушка ў час прамовы

«Нацыянальная свядомасць — гэта наша зброя і наш шчыт. Гэта тое, дзякуючы чаму мы, беларусы, захаваліся як нацыя, нягледзячы на стагоддзі расійска-імперскай і расійска-савецкай акупацыі. Нягледзячы на гвалтоўную русіфікацыю, нягледзячы на тэрор, нягледзячы ні на што», — адзначыў Павел Латушка падчас удзелу ў святочных мерапрыемствах у Варшаве.

Павел Латушка таксама падзякаваў тым, хто адстойвае незалежнасць: «Дзякую ўсім беларусам і беларускам, дзе б вы не былі сёння, за тое, што вы не здаліся, не скарыліся і працягваеце барацьбу. Кожны — на сваім месцы і ў меру сваіх магчымасцяў».

У Беластоку мітынг-канцэрт прайшоў на галоўным пляцы горада — Рынку Касцюшкі. Ля ратушы сабраліся блізу 200 чалавек. З Днём Волі беларусаў віншаваў намеснік прэзідэнта Беластока Рафал Рудніцкі. Ён казаў пра шчаслівейшую будучыню Беларусі, калі яна стане добрым Польшчы суседам, прызнаваным міжнароднай супольнасцю дэмакратычным краем.

Акцыя ў Беластоку. Фота: «Наша Ніва»

Дзяяч беларускага руху ў Польшчы Яўген Вапа назваў БНР краінаю мары. Ён сказаў, што нельга спапяліць народ, які ёсць.

«Дух свабоднай Беларусі, свабоднага народу ў сэрцах усіх беларусаў. Беларускі дух дазволіць нам сёння ператрываць гэтую навалу, якую хоча лукашызм і пуцінізм… БНР — залог таго, што мы будзем у вольнай дэмакратычнай Беларусі тады, калі дазволяць геапалітычныя ўмовы і захочам мы», — прамаўляў Вапа.

На мітынгу выступілі таксама іншыя прадстаўнікі беларускай дыяспары. Павіншаваў беларусаў і прадстаўнік украінскай дыяспары.

Вяла мітынг спявачка і фалькларыстка Кацярына Ваданосава. Па сканчэнні мітынгу адбыўся канцэрт. На пляцы было шмат бел-чырвона-белых сцягоў і іншай нацыянальнай атрыбутыкі. Была расцяжка, прысвечаная палітвязням. Пра іх таксама прамаўлялі выступоўцы. Гаварылі пра зняволеных творцаў і палітыкаў. Неаднаразова гучаў вокліч «Жыве Беларусь». Згадваліся і ціхары, якія маглі знаходзіцца ў грамадзе ўдзельнікаў і ўпойтай фатаграфавааць іх.

А так выглядала святкаванне ў Гданьску.

Акцыя ў Гданьску. Фота чытачоў

Акцыя беларусаў да Дня Волі прайшла таксама ў польскай Лодзі.

Акцыя ў Лодзі. Фота чытачоў

Так выглядаў мітынг у Празе.

Акцыя ў Празе. Фота: «Наша Ніва»

Каментары3

  • Годзе міндальнічаць
    24.03.2024
    Спадзяюся, дружыны бяспекі стварылі, ці зноўку ўсё па басяцку ? Луказдымшчыкаў ды правакатараў жорстка затрымліваць, каб потым па твару і паходцы было бачна...
  • Жорык
    25.03.2024
    Там на фотцы ў Беластоку, каліноўцы чэкіста злапалі.
  • Путанные Берега
    25.03.2024
    В Белостоке было мало людей – вместе с выступающими где-то 80-100 человек, что подтверждают и фото из других источников, в т.ч. сделанные панорамно сверху. И это с учетом того, что среди собравшихся была небольшая украинская группа поддержки.
    Не хотят чего-то ходить беларусы Белостока на такие мероприятия, хотя живет их там более 10 тыс. человек

Цяпер чытаюць

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Усе навіны →
Усе навіны

Прайшоў другі этап абмену расійска-ўкраінскага абмену ваеннапалоннымі. Абмянялі і аднаго беларуса2

Стала вядома, каго з расійскіх вайскоўцаў лячылі ў бальніцах Гомельшчыны ў пачатку вайны13

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца23

«Вы за ўсё адкажаце». Беларусам на прайдзе ва Уроцлаве таксама пагражалі невядомыя53

«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы10

Еўракамісія прапануе знізіць верхнюю мяжу цаны на нафту1

Telegram: Мы ніколі не раскрывалі прыватныя паведамленні трэцім асобам6

Да ветэранаў спецназа Паўлічэнкі прыязджаў незвычайны госць: беларус, але мусульманін3

Зніклі крыжы на могілках у Гудагаі

больш чытаных навін
больш лайканых навін

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Галоўнае
Усе навіны →

Заўвага:

 

 

 

 

Закрыць Паведаміць