Фільм жахаў «Позні вечар з д'яблам» зарабіў $ 666 666 за дзень пракату
Па выніках першага ўікэнда хорар «Позні вечар з д'яблам» стартаваў у ЗША з $ 2,8 млн. Карціна з Давідам Дастмалчанам стала самым касавым дэбютам у гісторыі кінакампаніі IFC Films — раней лідарства ўтрымліваў трылер «Назіральнік».
Цікава, што за нядзельны пракат стужка зарабіла роўна $ 666 666 — знамянальную для такой тэматыкі суму, піша Championat.com.
Мяркуючы па ўсім, гэта сапраўды ўдалае супадзенне, а не маркетынгавы ход з боку пракатчыка, адзначаюць у выданні Variety.
Сітуацыя ўжо прыцягнула ўвагу замежных СМІ і звычайных гледачоў. Аналітыкі тым часам звяртаюць увагу на выдатныя для незалежнай карціны зборы.
На іх думку, у Галівудзе ўсё яшчэ ёсць месца для інтэлектуальных аўтарскіх фільмаў самых розных жанраў.
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары