Расійскія алігархі Фрыдман і Авен усё ж засталіся ў санкцыйных спісах Еўрасаюза
Суд адмяніў не ўсе рашэнні.
Расійскія алігархі Міхаіл Фрыдман і Пётр Авен застаюцца ў санкцыйным спісе Еўрасаюза.
Суд у Люксембургу 10 красавіка зняў з прадпрымальнікаў санкцыі. Але, як аказалася, гэта рашэнне тычыцца не ўсіх актаў аб уключэнні Фрыдмана і Авэна ў санкцыйныя спісы, паведамляе Reuters.
Суд адмяніў першапачатковыя рашэнні Рады ЕС, прынятыя з лютага 2022 года па сакавік 2023-га. Тады ўвядзенне супраць заснавальнікаў «Альфа-Груп» санкцый матывавалася іх «падтрымкай расійскіх службовых асоб, адказных за дэстабілізацыю Украіны», а таксама «падтрымкай дзеянняў і палітыкі, якія падрываюць суверэнітэт і тэрытарыяльную цэласнасць Украіны».
10 красавіка Суд ЕС прызнаў гэтыя падставы недастаткова абгрунтаванымі. Аднак у сакавіку 2023 года Рада ЕС увяла супраць Фрыдмана і Авена санкцыі па іншых падставах: іх прызналі «вядучымі прадпрымальнікамі, якія ўдзельнічаюць у сектарах эканомікі, якія забяспечваюць істотную крыніцу даходу ўраду Расіі».
Па гэтым крытэрыі Фрыдман і Авен застаюцца пад санкцыямі.
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі5
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары