Свет1212

«З дазволу нацыстаў сіяністы наведвалі канцлагеры і адбіралі правільных яўрэяў». Злітая засакрэчаная дысертацыя кіраўніка Палесціны, напісаная ў Маскве

Амерыканскае аналітычнае агенцтва па даследаванні Блізкага Усходу MEMRI змагло атрымаць поўны тэкст засакрэчанай доктарскай дысертацыі прэзідэнта Палесцінскай аўтаноміі Махмуда Абаса, якая была напісана ў СССР і ў якой ініцыятарамі Халакосту выстаўляліся самі яўрэі. Асноўныя тэзы з гэтай «навуковай працы» прыводзіць выданне Israel Hayom.

Прэзідэнт Палесцінкай аўтаноміі Махмуд Абас на фоне сваёй доктарскай дысертацыі пад назвай «Сувязі паміж сіянізмам і нацызмам». Фоты: MEMRI / Israel Hayom, Wikimedia Commons. Калаж: «Наша Ніва»

Як піша выданне Israel Hayom, у яго распараджэнні аказаўся поўны тэкст доктарскай дысертацыі цяперашняга прэзідэнта Палесцінскай аўтаноміі Махмуда Абаса, якая была напісаная ім у Маскве ў 1982 годзе і адразу ж засакрэчаная савецкім КДБ (сакрэтнасць працы Абаса захоўваецца і ў сённяшняй Расіі).

Тэкст быў перададзены ізраільскаму выданню з боку амерыканскага агенцтва па даследаванні Блізкага Усходу MEMRI, якое здолела атрымаць яго з расійскіх архіваў, адзначае Israel Hayom.

У сваёй доктарскай дысертацыі на 119 старонак Махмуд Абас, які ў тыя часы насіў партыйны псеўданім «Абу Мазен» і быў дадаткова завербаваны КДБ пад кодавым імем «Кротаў», сцвярджаў, што «паміж сіянізмам і нацызмам існавалі трывалыя сувязі», і што ў якасці ініцыятараў Халакоста выступалі самі яўрэі.

Сам Абас паспяхова абараніў сваю працу ў Інстытуце ўсходазнаўства Акадэміі навук СССР, які на той момант узначальваў вядомы прафесар і агент КДБ Яўген Прымакоў, які пасля развалу СССР паспеў пабываць дырэктарам Службы знешняй разведкі Расіі, міністрам замежных спраў і нават прэм'ерам.

«Галоўная выснова, да якой прыходзіць Махмуд Абас, заключаецца ў тым, што Халакост яўрэяў быў сумесным праектам нацыстаў і сіянісцкага руху, які Абас моцна ненавідзіць. Цяперашні кіраўнік Палесцінскай аўтаноміі рабіў усё, каб поўны тэкст яго працы нідзе не ўсплыў, але мы ўсё роўна яго атрымалі», — заявіў выданню Israel Hayom прэзідэнт агенцтва MEMRI Ігаль Карман.

Па словах Кармана, асноўную думку Абаса ў яго працы можна падзяліць на некалькі прамых цытат з тэзамі, раскрыццю якіх аўтар больш за ўсё надзяляе ўвагу ў тэксце.

Вось толькі некаторыя з іх.

  • «Сіянісцкія эмісары атрымалі свабодны доступ да канцэнтрацыйных лагераў, каб адбіраць патрэбных для засялення Ізраіля людзей і пакідаць там іншых, непрыдатных, якія не павінны былі выйсці з канцлагераў жывымі».
  • «Сіяністы наўмысна забівалі яўрэяў, якія ў рамках незаконнай міграцыі беглі ад улады нацыстаў у землі Ізраіля (у той час падмандатная Брытаніі Палесціна. — «НН»). Забівалі іх з-за таго, што яны, на думку сіяністаў, былі няправільныя і непрыдатныя для засялення Ізраіля».
  • «Лідары сіянісцкіх цэнтраў імкнуліся схаваць ад міжнароднай супольнасці факты супраціву нацыстам з боку іншых яўрэйскіх фракцый і рухаў, каб самім асабіста прыняць удзел у пасляваенных мірных перамовах. Іх мэтай было запатрабаваць долі трафеяў ад перамогі саюзнікаў».
  • «У 1943 годзе ўзнікла магчымасць адправіць ежу, лекі і пасылкі ў яўрэйскія гета ў Еўропе, але сіяністы сарвалі гэтую ініцыятыву, нягледзячы на тое, што Міжнародны Чырвоны Крыж быў гатовы яе распачаць».
  • «Абсалютна ўсё насельніцтва акупаваных нацыстамі тэрыторый, а не толькі адны яўрэі, знаходзілася пад раўназначным уплывам жорсткай нацысцкай ваеннай машыны. Няма дакладных статыстычных даных аб колькасці яўрэйскіх ахвяр, але іх наўмысна завышаюць сіяністы. У рэальнасці загінула менш за мільён».

Датычна апошняй цытаты прэзідэнт MEMRI асабліва падкрэсліў, што Махмуд Абас у сваім наратыве пра «нацыстаў, якія ставіліся да ўсіх аднолькава» моцна абапіраўся на афіцыйную савецкую прапаганду і адыёзных савецкіх мысляроў-антысемітаў, якія наўмысна прымяншалі наступствы Халакоста ці ўвогуле яго адмаўлялі, кажучы «пра агульную пакуту савецкага народа».

«Аднак савецкая прапаганда ў адрозненне ад Махмуда Абаса, прынамсі, не спрабавала сцвярджаць, што яўрэі раздулі колькасць ахвяр, якіх загінула больш за 6 мільёнаў», — адзначае Ігаль Карман.

Карман мяркуе, што «навуковая праца» Абаса аказался занадта таксічнай нават для савецкага кіраўніцтва, таму яны, канешне, надалі яму ступень доктара навук, але і загадалі КДБ схаваць гэтую дысертацыю куды далей.

Каментары12

  • bely vuk
    15.04.2024
    Спасылка Israel Hayom недаступная
  • Олег
    15.04.2024
    [Рэд. выдалена]
  • Беларус
    15.04.2024
    Можа так і трэба, можа так і было?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»23

Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»

Усе навіны →
Усе навіны

Тату-мастаку з Гомеля, што жыве ў Польшчы, патрэбна дапамога. Некалькі месяцаў таму яму перасадзілі сэрца

«Яўрэй-сіяніст напаў на іранскае дзіця». У твітары істэрыя вакол фэйкаў пра беларуса, які напаў на хлопчыка ў маскоўскім аэрапорце14

У Польшчы тэсціруюць пераход на 4-дзённы працоўны тыдзень. Чаму дзяржаве выгадна, каб людзі працавалі менш2

Беларускія комікі запусцілі ютуб-шоу спатканняў усляпую3

Пад Мінскам па віне п'янага кіроўцы «Мерседэса» загінулі дзве жанчыны і двое дзяцей3

Чалы: Лукашэнка гатовы пераступіць цераз асабістую нянавісць дзеля шанцу раскалоць эміграцыю8

Па дарозе са Швецыі ў Беларусь машына згубіла мінімум 300 тысяч кіламетраў прабегу — цяпер яе прадаюць за $15 тысяч8

«Самі хутка здохнуць». Фоты з саміта ў Мінску даюць пабачыць Пуціна і Лукашэнку без грыму, а таксама Колю13

Банкрутуе завод кампазітных канструкцый. У яго хацелі ўкласці 220 мільёнаў еўра

больш чытаных навін
больш лайканых навін

Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»23

Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»

Галоўнае
Усе навіны →

Заўвага:

 

 

 

 

Закрыць Паведаміць