Турыстам замест электроннага дазволу (ETA) на ўезд у Шры-Ланку зараз трэба загадзя атрымаць электронную візу. Падаць заяву можна на сайце srilankavisa.lk.
З 17 красавіка краіна перайшла з сістэмы ЕТА на eVisa. Аднак, як і раней, беларускія турысты змогуць запоўніць анкету на сайце і атрымаць візу па прылёце.
Турыстычная віза на 30 дзён каштуе беларусам $50 пры афармленні загадзя. Пры гэтым трэба яшчэ ўнесці сэрвісны збор у $18,5. Акрамя гэтага, прыйдзецца аплаціць збор за апрацоўку заявы. Як паведамляе Расійская асацыяцыя тураператараў, ён абыйдзецца ў $3,11.
Мяркуючы па інфармацыі на сайце srilankaevisa.lk, электронная турыстычная шматразовая віза на год з лімітам знаходжання ў 90 дзён цяпер каштуе $200, а на шэсць месяцаў з лімітам знаходжання ў краіне ў 60 дзён — $75.
Паводле звестак упраўлення па развіцці турызму Шры-Ланкі, у 2023 годзе ў іх адпачылі амаль 11 тысяч беларусаў.
Годам раней — 3,6 тысяч, гэта значыць кірунак стаў карыстацца вялікім попытам.
Прамых авіярэйсаў з Мінска на Шры-Ланку няма. Турысты лётаюць праз Абу-Дабі, Маскву, Дубай ў ААЭ і Доху ў Катары.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»4
Каментары