Грамадства22

Затрыманая літоўская «шпіёнка» аказалася супрацоўніцай санаторыя «Беларусь»

Грамадзянка Літвы Алена Раманаўскене, якую ў Беларусі абвінавачваюць у агентурнай дзейнасці, з'яўляецца ўраджэнкай Беларусі і супрацоўніцай санаторыя «Беларусь» у Друскеніках, піша літоўскае выданне 15min.

Скрыншот з сайта vrk.lt

59-гадовая Алена Раманаўскене нарадзілася ў Мінску, у 1987 годзе скончыла «Акадэмію эканомікі» (відаць, маецца на ўвазе цяперашні Беларускі дзяржаўны эканамічны ўніверсітэт, які тады называўся Беларускім дзяржаўным інстытутам народнай гаспадаркі) і пасля таго, відаць, выехала ў Літву. Цяпер жанчына разведзеная. 

У мінулым годзе яна была кандыдатам на выбарах у гарадскую раду Друскенікаў ад камітэта «За Друскенікі», але абраная не была. Уласна кажучы, з анкеты, апублікаванай тады літоўскай ЦВК, і сталі вядомыя яе асноўныя біяграфічныя звесткі.

Што да прафесійнай дзейнасці, то жанчына працавала загадчыцай аддзела маркетынгу ў санаторыі «Беларусь» у Друскеніках, а таксама ўзначальвала невялікую кампанію Inovatyvūs plėtros projektai («Праекты інавацыйнага развіцця»), якая займаецца рэкламнай дзейнасцю.

Затрымаць Раманаўскене маглі летась, калі яна вярталася ў Літву з Беларусі, дзе наведвала родных. Сваякі жанчыны ад каментароў літоўскаму выданню адмовіліся.

Алену Раманаўскене пачнуць судзіць у Мінскім гарадскім судзе 3 чэрвеня, яна абвінавачваецца ў агентурнай дзейнасці. Суд будзе закрытым. 

Каментары2

  • Хуч
    23.05.2024
    Гэх кабетка. Відаць не пазбавілася ты рбшнага грамадства. Таму й прынялі. Тым, хто зараз за мяжою трэба пазбаўляцца яго й чым хутчэй. Таму, што зладзей і бандыт Лукашэнка ўважае нас усіх за сваю ўласнасьць. Сваіх нявольнікаў.
  • Дзярж Сэктар
    23.05.2024
    Бюджэтніцкія сваркі

Цяпер чытаюць

Былы беларускі ваяр суткі катаваў свайго сябра, а пасля забіў сябе11

Былы беларускі ваяр суткі катаваў свайго сябра, а пасля забіў сябе

Усе навіны →
Усе навіны

Кожны сёмы жыхар Славакіі падтрымлівае далучэнне да Расіі — апытанне25

Аэрапорты Еўрасаюза будуць здымаць абмежаванні на вадкасці ў ручной паклажы

Ад 300 000 да 500 000 даляраў. Стала вядома, хто прывёз Джэйсана Дэрула ў Беларусь8

Стрыжак расказаў, што цяпер будзе з «Байсолам»20

Мужчына разбіў відэакамеру ў пад'ездзе, надзеўшы для маскіроўкі трусы на галаву8

Скандынавія прыцягвае беларуса: дальнабойшчык расказаў аб працы ў краі вікінгаў3

«Матрошкамі ўжо не здзівіш». У Расіі заклікалі стварыць свой аналаг Лабубу3

Вядучая «Марафону адзінства» ў падтрымку Лукашэнкі адпачывала ў Латвіі27

На поўначы Брэста працягвае смярдзець, улады заклікаюць «не панікаваць»2

больш чытаных навін
больш лайканых навін

Былы беларускі ваяр суткі катаваў свайго сябра, а пасля забіў сябе11

Былы беларускі ваяр суткі катаваў свайго сябра, а пасля забіў сябе

Галоўнае
Усе навіны →

Заўвага:

 

 

 

 

Закрыць Паведаміць