Берасцеец увозіў у Польшчу бярозавае палена. Аказалася, гэта костка маманта
Інцыдэнт адбыўся на памежным пераходзе «Тэрэспаль» — «Брэст». Польскія мытнікі звярнулі ўвагу на незвычайны прадмет у торбе беларуса — звонку ён нагадваў кавалак дрэва, але нейкага дзіўнага і з неадпаведнай вагой.
Мужчына спачатку сказаў, што вязе падарунак для дачкі, пасля назваў рэч «бярозавым паленам». Аднак мытнікаў гэта не пераканала — яны пачалі дапытваць яго, дзе жыве дачка, патрабуючы глядзець у вочы.
У выніку берасцеец прызнаўся, што вязе костку маманта па просьбе знаёмага і атрымаў за гэта 20 даляраў. Экспертыза пацвердзіла, што гэта сапраўды парэшткі маманта — хутчэй за ўсё, часткі біўня і косткі.
У Еўрасаюзе такія знаходкі лічацца аб’ектамі, якія ахоўваюцца, і для іх увозу патрэбен спецыяльны дазвол. Цяпер мужчыну пагражае штраф да 115 тысяч еўра, дэпартацыя ці нават крымінальная адказнасць з магчымым зняволеннем да двух гадоў.
Украінскі вайсковец знайшоў каля беларускай мяжы зубы маманта
Польскія мытнікі знайшлі ў машыне немца, які ехаў з Беларусі, біўні маманта
Навукоўцы стварылі «шарсцістую мыш» з прыкметамі маманта. Магчыма, праз некалькі гадоў адродзяць і вымерлага гіганта
Амерыканскі стартап плануе да 2028 года адрадзіць мамантаў
У Мінску адбыліся масавыя затрыманні выдаўцоў і кнігараспаўсюднікаў33
Каментары