Свет44

У Даніі затрымалі каардынатарку «Бяссмяротнага палка» за працу на расійскую разведку

Дацкая паліцыя затрымала грамадзянку Расіі за супрацоўніцтва з расійскай разведкай, паведаміла ў аўторак Дацкая радыёвяшчальная карпарацыя (DR). Выданне «Агентство. Новости» даведалася, што гэта адміністратарка суполкі «Бессмяротны полк Даніі» Ірына Петэрсэн.

Ірына Петэрсэн другая злева

Дацкая служба бяспекі і разведкі абвінаваціла затрыманую ў супрацоўніцтве з замежнай разведкай з мэтай яе працы ў Даніі і аказання ўплыву (артыкул 108 Крымінальнага кодэкса Даніі).

Сцвярджаецца, што яна некалькі гадоў атрымлівала грошы ад расійскага Фонду падтрымкі і абароны правоў суайчыннікаў («Правфонд»). З 2017 года яе кансультацыйны цэнтр для рускамоўных жыхароў Даніі нібыта атрымаў ад гэтага фонду не менш за 338 тысяч дацкіх крон (52,2 тысячы еўра).

Гэтыя кансультацыйныя цэнтры, на думку разведак некаторых еўрапейскіх краін, на самай справе з'яўляюцца часткай расійскай прапагандысцкай сеткі, якая займаецца стварэннем гісторый пра нібыта дыскрымінацыю рускамоўных людзей за мяжой. 

Паводле DR, затрыманая — цэнтральная фігура рускай грамады ў Даніі. Паводле звестак выдання, яна некалькі разоў балатавалася на муніцыпальных выбарах ад левай партыі Enhedslisten, каардынавала правядзенне ў Даніі «расійскай акцыі, якая праводзіцца штогод 9 мая», а таксама некалькі разоў атрымлівала граматы ад Міністэрства замежных спраў Расіі.

«Агентство» па фатаграфіях, якія апублікавала DR высветліла асобу затрыманай. Гэта адміністратарка суполкі «Бессмяротны полк Даніі» ў фэйсбуку Ірына Петэрсэн.

У жніўні 2023 года Петэрсэн удзельнічала ў канферэнцыі Каардынацыйнай рады расійскіх суайчыннікаў у Сербіі, прысвечанай 80-годдзю Курскай бітвы. Таксама пасля пачатку вайны жанчына як мінімум двойчы ўдзельнічала ў канферэнцыях «Правфонда» — у канцы лютага 2022 года і ў снежні 2023-га.

Падставай для затрымання расіянкі стала сумеснае расследаванне еўрапейскіх СМІ аб дзейнасці «Правфонда». Яго на мінулым тыдні апублікавала дацкая DR, а таксама нямецкія выданні Der Spiegel і ZDF, аўстрыйская газета Standard, французская Le Monde і брытанская The Guardian.

Журналісты атрымалі і прааналізавалі дакументы «Правфонда», некалькі чалавек у кіраўніцтве якога аказаліся былымі супрацоўнікамі расійскіх Службы знешняй разведкі і Галоўнага разведвальнага ўпраўлення.

Каментары4

  • Пытанне
    11.06.2024
    А хто ў Беларусі каардынатары «Бяссмертнага палка»?
  • Gorliwy Litwin
    12.06.2024
    гэта ж неяк зусім не-дэмакратычна - затрымліаць чэкісцкіх (або ісламісцкіх ці кітайскіх) рэзідэнтаў або не даваць свята-елісавецінскім манашкам збіраць ахвяраванні з лахоў? а дзе ж мульці-кульці, дзе жэсюі! І гэта ў Шчаслівай Даніі!? Шкандаль! я пратэстую!
  • бабруйчанін
    12.06.2024
    Gorliwy Litwin, ??? А чаму ты сууусед рота разяваешь калі беларусы узгадваюць аб " пакце молтава ребентропа" ці мове ВКЛ і сталіцэ?? Нейкая " шыза" у тваей галаве.. Ці " эўразвязавец" ці Хто..у пальтЕ??
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа3

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Усе навіны →
Усе навіны

Мінчанка расказала, дзе пазнаёміцца з перспектыўнымі хлопцамі ў сталіцы14

Ціханоўскі насмажыў катлет на фестывалі «Тутака»42

Наколькі дакладна можна прадказаць надвор'е на месяц? І чаму дагэтуль не папярэджваюць пра тарнада за дзень?5

З'явіцца новая дзяржава — Новая Каледонія3

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда11

Крамы і пастаўшчыкоў будуць штрафаваць за адсутнасць гародніны1

больш чытаных навін
больш лайканых навін

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа3

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Галоўнае
Усе навіны →

Заўвага:

 

 

 

 

Закрыць Паведаміць