У мінулым свецкая лэдзі Ася Паплаўская падзялілася, якое галоўнае адкрыццё зрабіла за апошнія гады служэння ў кляштары
Блогерка і журналістка Ася (Галіна) Паплаўская, якая ў свой час вяла актыўнае свецкае жыццё, ужо каторы год служыць у кляштары. Нядаўна яна паспяхова прайшла навіцыят — перыяд паслушніцтва і выпрабавання перад уступленнем у манаскі ордэн. Цяпер жыццё дзяўчыны шчыльна звязанае з каталіцкай кангрэгацыяй Сясцёр Служэбніц Езуса ў еўхарыстыі ў польскім горадзе Прушкаў.
Разам з сёстрамі-эўхарысткамі Ася ўжо амаль пяць год, а прыняцце яе ў навіцыят адбылося ў 2022-м. Свой сыход у кляштар блогерка тлумачыла тым, што хоча «быць натуральнай, прамяністай, жывой».
«Я шмат разоў чула ад розных людзей: «Ася, што ты робіш? Навошта табе гэты манастыр? Не ўцякай ад рэальнага свету, жыццё цудоўнае! Прыйсці ў манастыр — значыць адказаць «так» на запрашэнне Бога. Гэта шанец сустрэць сваё праўдзівае «я», спазнаць Любоў і несці Святло іншым», — даводзіла Паплаўская.
У час навіцыяту яна цалкам адмовілася ад сацсетак, і толькі цяпер паступова пачынае актыўнічаць анлайн. Сярод іншага, Ася прызналася, што гэты этап у жыцці даўся ёй зусім няпроста.
«Першы год майго навіцыяту (апроч першых двух месяцаў) — час пустэчы. Татальнай адзіноты. Пачуцця пакінутасці — людзьмі і нават, здавалася, Богам. Гэта не значыць, што мае людзі, Марыя, Ісус і Айцец мяне сапраўды пакінулі, не. Я ведала, што яны ўсім сэрцам са мной, але гэта не аблягчала майго болю, нават узмацняла яго… Толькі вера несла мяне ўвесь папярэдні год. Мая пустэча — не пра тое, што мяне пакінулі, а пра тое, што я на час страціла здольнасць бачыць і адчуваць любоў Бога і чалавека», — шчыра падзялілася Ася.
У выніку гэтую здольнасць адчуваць любоў Асі, па яе словах, вярнула рашэнне яшчэ больш любіць — і Бога, і чалавека.
«Гэта адкрыццё, гэты досвед — самы галоўны, які я атрымала за апошнія два гады. Увесь сэнс — у яшчэ большай любові. Нам заўсёды ёсць куды расці, каб любіць яшчэ мацней».
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў19
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары