Клюшку легендарнага хакеіста беларускага паходжання прадалі за рэкордную суму
Клюшку легенды сусветнага хакея Уэйна Грэцкі, якой ён гуляў у фінале Кубка Стэнлі-1988, прадалі на аўкцыёне Sotheby's за 336 тысяч долараў.
Гэта рэкорд сярод усіх прададзеных на аўкцыёнах клюшак у гісторыі. Папярэдняе дасягненне таксама належала клюшцы Грэцкі — у 2022 годзе яе прадалі за 138,6 тысячы долараў, паведамляе Bleacherreport.
Швэдар, у якім форвард гуляў у фінале Кубка Стэнлі-1988, раней прадалі за 1,452 млн долараў, крагі — за 204 тысячы. У тым фінале «Эдмантан», за які выступаў Уэйн, «усухую» абыграў «Бостан» — 4:0.
У вялікага хакеіста ёсць беларускія карані. Яго дзед, Цярэнцій Грэцкі, у пачатку XX стагоддзя перабраўся з Гродзенскай губерні тады яшчэ Расійскай імперыі ў Канаду.
Уэйн успамінаў, што дзед размаўляў на беларускай мове. Валодаў беларускай і бацька хакеіста.
У 2010 годзе Грэцкі прыязджаў у Беларусь, дзе нават сустрэўся са сваёй стрыечнай зводнай сястрой, якая жыве ў Свіслачы.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне83
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары