Лукашэнка прапанаваў 74-гадоваму экс-віцэ-прэм'еру Уладзіміру Сямашку пайсці папрацаваць
Але працуе ён толькі на лецішчы.
Аляксандр Лукашэнка сказаў 74-гадоваму экс-паслу ў Расіі і былому першаму віцэ-прэм'еру Уладзіміру Сямашку пайсці яшчэ папрацаваць, але пакуль ён працуе толькі на ўласным лецішчы. Пра гэта Сямашка распавёў у эфіры тэлеканала «Беларусь 1», піша «Камсамолка».
Уладзімір Сямашка атрымаў ордэн Айчыны II ступені на ўрачыстай цырымоніі 2 ліпеня напярэдадні Дня незалежнасці краіны. Ён распавёў, што яму сказаў Аляксандр Лукашэнка, уручаючы ўзнагароду:
— Ён пажартаваў: у цябе два ордэны — трэцяй, другой ступені. Трэба першай зарабляць. Пойдзеш яшчэ папрацуеш.
Сямашка дадаў, што ўсё ў жыцці трэба рабіць своечасова. Ён таксама сказаў, што заняты працай пакуль толькі на ўласным лецішчы: там заўсёды ёсць то адна, то другая, то трэцяя справа.
Уладзімір Сямашка быў дырэктарам «Гарызонта» з 1996 па 2001 год, затым два гады ён працаваў міністрам энергетыкі, з 2003 па 2018 год віцэ-прэм'ерам, а ў 2018-2022 гадах Уладзімір Сямашка ўзначальваў пасольства Беларусі ў Расіі. У студзені 2022 года ён трапіў у бальніцу з сардэчным прыступам.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары