Новыя Patriot і SAMP/T не змогуць абараніць Харкаў, Сумы, Мікалаеў і Чарнігаў — аналітыкі
Вырашыць гэтую праблему могуць толькі F-16 ці ўдары ўглыб тэрыторыі РФ.
Да такой высновы прыйшлі эксперт Bild па аналізе адкрытых даных Юльян Ропке і аўстрыйскі палітолаг Густаў Карл Грэсель, піша Bild.
Па іх даных, цяпер два комплексы СПА Patriot абараняюць неба над Кіевам, па адным — Львоў і Адэсу (жоўтым на карце).
На днях краіны НАТА паабяцалі паставіць Украіне тры новыя Patriot, а таксама франка-італьянскія ЗРК FSAF SAMP/T. На думку экспертаў, іх могуць накіраваць на абарону Дняпра, Крывога Рога, Вінніцы і будучай базы F-16 на захадзе Украіны (зялёным на карце).
Пры гэтым іх не змогуць выкарыстоўваць у Мікалаеўскай, Херсонскай, Запарожскай, Данецкай, Харкаўскай, Чарнігаўскай і Сумскай абласцях, гэта значыць занадта блізка да лініі фронту (чырвоным на мапе).
Там развіта расійская разведка дронамі, вялікая верагоднасць выяўлення і знішчэння заходніх комплексаў СПА расійскай зброяй.
Вырашыць гэтую праблему могуць толькі F-16 ці ўдары ўглыб тэрыторыі РФ, якіх пакуль няма. Грэсель таксама адзначыў, што Patriot і SAMP/T не спалучаюцца адзін з другім, у іх рознае ПА.
Таму ў выпадку выхаду са строю адной з сістэм іншая не зможа яе замяніць або абараніць. У адрозненне ад пары Patriot і нямецкай Iris-T, якія ўзаемадапаўняюць адзін аднаго.
-
Украінская аперацыя «Павуцінне» магла сарвацца ў апошні момант — пільны дальнабойшчык знайшоў беспілотнікі ў корпусе
-
Зяленскі паведаміў пра існаванне трох дакументаў, якія датычацца завяршэння вайны ва Украіне
-
Сырскі: Украінскія войскі з сярэдзіны лістапада змаглі вярнуць кантроль над часткай Пакроўска і цяпер утрымліваюць паўночную частку
Каментары