«Нарыльскі нікель» — асноўны акцыянер футбольнага клуба «Масква» — не мае намеру пакідаць клуб у прэм’ер‑лізе на чэмпіянат Расіі‑2010.
Пра гэта было абвешчана на сённяшняй прэс‑канферэнцыі прадстаўнікоў «Нарнікеля».
Нагадаем, што напярэдадні «гараджане» атрымалі ад РФС ліцэнзію для ўдзелу ў чэмпіянаце, паведамляе Спорт-Экспресс.
Канчатковае рашэнне па гэтым пытанні будзе абвешчана цягам двух месяцаў. Магчыма, што «Масква» будзе выступаць у ніжэйшых дывізіёнах, захаваўшы прафесійны статус, а магчыма, наогул будзе распушчана. У выпадку сыходу клуба з прэм'ер-лігі, яго месца зойме "Аланія" (Уладзікаўказ), што заняла ў мінулым сезоне ў першай лізе 3-е месца.
***
ФК «Масква» быў заснаваны ў 1997 г. як «Тарпеда-ЗІЛ» (Ад 2005 года - ФК «Масква»).
У вышэйшым дывізіёне выступаў ад 2001 года, найвышэйшае дасягненне - 4-е месца ў чэмпіянаце 2007 года, у сезоне-2009 клуб фінішаваў на 6-м месцы.
За ФК «Масква» заяўленыя тры беларускія галікперы:
Ілля Гаўрылаў (у асноўным складзе не гуляў), Антон Амельчанка і галкіпер зборнай Беларусі, капітан ФК «Масква» у сезоне 2009 Юры Жаўноў.
Вясной 2003 года клуб трэніраваў беларускі спецыяліст Сяргей Алейнікаў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары