Грамадства1111

Рукі дрыжаць, слёзы льюцца: новы трэнд беларускага тыктоку — распакоўка візы

Паляванне на шэнгенскія візы для беларусаў становіцца нацыянальным відам спорту. Таму не дзіўна, што ў тыктоку з'явіўся такі трэнд, як «распакоўка візы». Людзі здымаюць відэа, як адкрываюць пашпарт і шукаюць у ім запаветны шэнген.

Скрыншот відэа ў тыктоку

Напрыклад, блогерка Кацярына з Гродна расказала, што яе сям’я каля двух месяцаў чакала, калі вернуць пашпарты. Асаблівай інтрыгі не атрымалася: пашпарты ў канвертах былі адкрыты на старонках з візамі. Праўда, і дадатковых прыемных сюрпрызаў не аказалася: усім далі аднаразовы шэнген толькі на даты адпачынку.

 

@katbergamot Распаковка греческой визы #шенген #греческаявиза @ВИЗОВОЕ АГЕНТСТВО VIZZY ♬ invisible string harp cover - hannah_harpist

А вось блогерцы Яне пашанцавала значна менш. На відэа бачна, як моцна хвалюецца дзяўчына перад тым, як парваць канверт з пашпартам унутры. Блогерка нават шкадуе, што знаходзіцца дома адна ў такі нервовы момант. Ледзь стрымліваючы слёзы ад эмоцый, Яна ўсё ж адкрывае канверт. Адразу яе пужае тое, што пашпарт даслалі закрытым.

— Няма візы… Што? Напісана, што быццам у мяне няма прычыны для паездкі. Як так?

Дзяўчына ўсё ж пачынае плакаць.

 — Добра хоць, што ніякай пячаткі аб адмове не паставілі. Я не ведаю, як гэта працуе? Чаму Ваню далі, а мне — не? У чым розніца? У нас былі абсалютна аднолькавыя дакументы.

Відэа Яны набрала 1,2 мільёна праглядаў і каля 74 тысяч лайкаў.

Дзяўчына ўдакладніла, што яе партнёру далі грэцкую візу на месяц пад даты паездкі. Але праз тое, што Яна візу не атрымала, пара вырашыла адпачыць у якой-небудзь бязвізавай для беларусаў краіне.

 

@janescvo1 Как жаль, что получение визы не зависит от того как хорошо вы подготовите документы. Потому что наши документы с Ваней были подготовлены супер крутыми специалистами @ВИЗОВОЕ АГЕНТСТВО VIZZY ♬ оригинальный звук - JScvo

Хрысціна з Брэста таксама не пабачыла ў пашпарце доўгачаканай візы, але знайшла ў канверце ліст з тлумачэннямі адмовы: амбасада Грэцыі палічыла, што ў яе мала доказаў мэты вандроўкі. Блогерка паскардзілася, што спроба атрымаць візу абышлася ёй амаль у 1500 рублёў. Аднак надзеі не апраўдаліся, і пра адпачынак на цёплым моры ў Грэцыі можна забыцца.

 

@veterinar_kristina отказ . Почти 1500 б. р. -я расстроена! #отказвизы #конверт #беларусь ♬ Royalty - Egzod & Maestro Chives & Neoni

Але калі вы раптам вырашыце здымаць гэты трэнд, то трэба ўсё ж памятаць, пра што лепш не казаць падпісчыкам. Напрыклад, у красавіку ў тыктоку завірусілася відэа, у якім беларускі хлопец атрымаў пашпарт з адмовай у польскай працоўнай візе. Ён пачаў абурацца працай турыстычнай фірмы, якой плаціў за дапамогу ў афармленні неабходных дакументаў, — і шчыра прызнаўся, што запрашэнне на працу было фальшывым і працаваць у Польшчу ён не збіраўся.

Той кейс каментавала «Нашай Ніве» маніторынгавая група visastat.me.

— Малады чалавек дапусціў вялікую памылку, калі вырашыў зрабіць сваю гісторыю публічнай, — растлумачылі ў маніторынгавай групе. — Фактычна ён прызнаўся ў тым, што купіў запрашэнне на працу. Якія пасля гэтага ў яго могуць быць пытанні, не вельмі зразумела.

Каментары11

  • аддз
    29.07.2024
    Другой у спісе я таксама не даў бы
  • Гы
    29.07.2024
    Беларусы чакаюць шэнгенскія візы як першынца амаль 9 месяцаў
  • Беня
    29.07.2024
    Вось янооооо - беларуская щасьце.

Цяпер чытаюць

Дык усё ж ці бяспечны Telegram і для якіх мэтаў бяспечны? Вось што ясна на сёння11

Дык усё ж ці бяспечны Telegram і для якіх мэтаў бяспечны? Вось што ясна на сёння

Усе навіны →
Усе навіны

Не ігнаруйце гэтыя змены скуры — яны могуць сведчыць пра пачатак дыябету6

Пасол Венгрыі па-майстэрску сыграла на аргане ў касцёле ў Магілёве3

Прэзідэнт Сербіі Вучыч упершыню з пачатку вайны наведаe Украіну1

Аўтобус з 22 пасажырамі, мікрааўтобус і легкавы аўтамабіль патрапілі ў ДТЗ на трасе М-1 у Баранавіцкім раёне. Ёсць загінулы1

Самы папулярны тыкток-блогер у свеце, які высмейвае бязглуздыя лайфхакі, выдвараны з ЗША як нелегал7

Нахабныя збіральнікі грошай на праезд у Мінску ўжо просяць перавод на картку2

У Магілёве ідзе спектакль 18+, які карыстаецца шалёнай папулярнасцю — гледачы прыязджаюць з іншых гарадоў10

Грузія пастрожыць правілы знаходжання замежнікаў, ажно да выдварэння1

Каго часцей за ўсё кусаюць камары? Даведаліся ў вучонага1

больш чытаных навін
больш лайканых навін

Дык усё ж ці бяспечны Telegram і для якіх мэтаў бяспечны? Вось што ясна на сёння11

Дык усё ж ці бяспечны Telegram і для якіх мэтаў бяспечны? Вось што ясна на сёння

Галоўнае
Усе навіны →

Заўвага:

 

 

 

 

Закрыць Паведаміць