Сталі вядомыя падрабязнасці жорсткай аварыі, у якую трапіў плывец Цуркін
33-гадовы плывец Яўген Цуркін, які сёння трапіў у аварыю, выклаў у сацсеткі відэа і расказаў некаторыя падрабязнасці, піша «Трыбуна».
Як аказалася, экс-плывец, які цяпер жыве і працуе ў Варшаве, не справіўся з кіраваннем электрасамакатам. 26 ліпеня Цуркін ехаў на гэтым транспарце на трэніроўку і «не заўважыў кораб, які прыкрываў кабель». Вынік — «уваткнуўся ў асфальт галавой, як страус у пясок».
Цуркін атрымаў рассячэнне лоба, сурʼёзныя траўмы на носе і падбародку, правай руцэ, плячах і каленях. Але самае непрыемнае — трох пярэднiх зубоў «ужо няма, ###, паскакалі, як зайчыкі па полі».
У канцы відэа Цуркін пажадаў усім берагчы сябе і паабяцаў пазней расказаць, як аднавіўся.
Медыцынскія паслугі яму ўжо абышліся ў 510 злотых, гэта значыць у 130 долараў. Цуркін таксама прадэманстраваў падпісчыкам злашчасны кораб і знойдзены на месцы падзення зуб.
Да сёлетніх падзей экс-спартсмен не нагадваў пра сябе з мінулага года. У сакавіку 2023-га гучнай навіной стала заява ягонай жонкі, славутай плыўчыхі Аляксандры Герасімені, што яны з Цуркіным разводзяцца.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары