«Вось вы на мяне наязджалі, і што цяпер? Вы ў турме, а дзе я?» Як Марзалюк наведаў калонію
Дэпутат Палаты прадстаўнікоў сустракаўся са зняволенымі калоніі № 15, якая знаходзіцца пад Магілёвам. Пра сустрэчу са словаў вязня, які дагэтуль адбывае пакаранне ў калоніі, расказаў сваяк, які прасіў не называць ягонага імя, піша Радыё Свабода.
Паводле крыніцы, сустрэча адбылася яшчэ ўзімку, але на волі звесткі пра яе сталі вядомыя толькі цяпер.
«Нас было больш за 100, прывялі ў клуб і сказалі, што будзе лекцыя з гісторыі вайны. Выйшаў гэты Ігар Марзалюк, але з нас амаль ніхто яго не ведаў. Што ён дэпутат ці былы гісторык, ведалі, можа, адзінкі. Слухалі, як заўсёды любога лектара ці міліцыянта, у паўвуха. А той паступова пачаў крычаць на нас, вучыць нас жыццю. Казаў: «Вось вы на мяне «наяжджалі«, крытыкавалі мяне, і што цяпер? Дзе вы? У турме седзіце. А дзе я?» Як мы з хлопцамі зразумелі, гэта ён спрачаўся з уяўнымі палітычнымі, якіх насамрэч на сустрэчы амаль не было. Я дык бачыў толькі аднаго «жаўтабірачніка», а іншых я не заўважыў.
Думаю, палітычных на сустрэчу знарок не пусцілі, а Марзалюку пра гэта не сказалі. Ён жа ўсё роўна не разбіраецца, не ведае, што палітычныя — з жоўтымі біркамі. Вось так і слухалі тую лекцыю. Марзалюк крычаў на нас, а мы маўчалі. Паразумення яўна не атрымалася. Я дык слухаў, а сам думаў, што гэта ты такі смелы, бо вакол мянты.
А ўвогуле ў мяне склалася ўражанне, што лектар быў нападпітку, бо вельмі хутка «завёўся». І па выніку ў мяне (і не ў аднаго мяне) засталося пачуццё крыўды. Хто ты такі, што на нас лаешся, тым больш крычыш на сваіх жа, палітычных? Што яны табе зрабілі?» — так, паводле крыніцы, расказваў яму зняволены сваяк.
У мэтах бяспекі крыніца прасіла не называць імя палітвязня, які прысутнічаў на сустрэчы зняволеных калоніі з дэпутатам Ігарам Марзалюком і мусіў выслухваць ягоную лаянку ў адрас апазіцыі. Паводле крыніцы, палітвязень падчас сустрэчы не сказаў ні слова.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары