Мінская блогерка расказала, як бясплатна атрымала італьянскі мультышэнген. Але гэты спосаб не для ўсіх
Жанчына не ведала, як атрымаць шэнгенскую візу, каб адвезці дачок на мора для аздараўлення. Але змагла прайсці гэты квэст. Гісторыяй яна падзялілася ў сацсетках.
Вольга Тумар — мінская блогерка і коўч. Адна з яе дачок мае цяжкае генетычнае захворванне — сіндром Ларсэна. І ў першую чаргу гаворка ішла пра рэабілітацыю на моры для гэтай дзяўчынкі.
Плаціць шмат грошай за дапамогу ў адкрыцці візы можа сабе дазволіць не кожная сям'я. Але нехта з падпісчыкаў параіў Вользе напісаць непасрэдна італьянскаму консулу.
— Мы напісалі дастаткова шчыры ліст пра Марусю і мора, — расказала блогерка ў сторыс. — Што няма часу чакаць паўгода. Нам не трэба лячэнне ці аперацыя — проста мора. Прымацавалі фота і спасылкі. Чакалі адказ больш за месяц. Я цалкам разумела, што можа быць адмова. Але і станоўчы адказ быў чаканы.
У выніку Вольга атрымала шматразовыя італьянскія візы на паўгода для сябе і дзвюх дачок.
Да «Дня народнага адзінства» памілавалі 25 чалавек4
Каментары