Паводле ацэнак экспертаў, ліцэнзійнае праграмнае забеспячэнне ў Беларусі па‑ранейшаму не перавышае 15% агульнага рынку ПЗ.
Пра гэта 16 лютага на прэс‑канферэнцыі ў Мінску заявіў Аляксандр Панкоў — дырэктар кампаніі «Аксофт», якая з’яўляецца адным з вядомых пастаўшчыкоў ліцэнзійнага праграмнага забеспячэння ў Беларусі.
«На беларускім рынку па‑ранейшаму дастаткова вялікая колькасць пірацкага ПЗ. Разам з тым, у нашай краіне створаны пэўныя падраздзяленні, ва ўзаемадзеянні з якімі мы спрабуем сёлета змяніць сітуацыю на рынку ПЗ, павялічыўшы долю ліцэнзійнай прадукцыі», — зазначыў дырэктар.
Паводле яго слоў, факты сведчаць аб павышэнні цікавасці карыстальнікаў да ліцэнзійнага праграмнага забеспячэння. Так, нягледзячы на крызісны для беларускай эканомікі перыяд, кампанія «Аксофт» па выніках 2009 года павялічыла аб’ёмы продажу ліцэнзійнага ПЗ больш чым на 20%. Узрасла і дылерская сетка кампаніі: рост склаў 50%, на сёння партнёрская сетка ахоплівае больш як 250 ІТ‑кампаній па ўсёй Беларусі.
Аляксандр Панкоў звярнуў увагу на тэндэнцыю, што прасочваецца ў змяненні геаграфіі дылерскай сеткі. У 2009 годзе адбылося павелічэнне долі партнёраў, якія актыўна працуюць у рэгіёнах Беларусі. Калі ў 2008 годзе 72% партнёрскай сеткі «Аксофт» складалі дылеры з Мінска і Мінскай вобласці, то за мінулы год колькасць рэгіянальных партнёраў значна павялічылася. У выніку доля партнёраў з Мінска і вобласці скарацілася да 53%.
У хуткім часе «Аксофт» плануе актыўны выхад у рознічны сегмент, працуе над пашырэннем партфеля прадуктаў, што пастаўляюцца на тэрыторыю Беларусі. Сёлета таксама запланаваны шэраг мерапрыемстваў, скіраваных на павышэнне дасведчанасці аб перавагах выкарыстання ліцэнзійнага праграмнага забеспячэння.
***
Кампанія «Аксофт» з’яўляецца дыстрыб’ютарам і вядучым пастаўшчыком шырокага спектру праграмнага забеспячэння на рынку Беларусі: аперацыйных сістэм, офісных праграм, графічных пакетаў, сродкаў распрацоўкі, антывіруснай абароны і іншых. З’яўляецца дыстрыб’ютарам і афіцыйным партнёрам большасці вядучых сусветных вытворцаў праграмных прадуктаў. У лік партнёраў кампаніі ўваходзяць сістэмныя інтэгратары, пастаўшчыкі праграмнага забеспячэння, зборшчыкі камп’ютэраў і іншыя арганізацыі, якія працуюць у сферы інфармацыйных тэхналогій.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары