Расійскі прапагандыст выдаваў сябе за журналіста Рускай службы Бі-бі-сі, каб сачыць за апазіцыянерамі за мяжой
Былы супрацоўнік НТВ і медыягрупы «Известия» Айрат Шыраеў, які цяпер працуе на кампанію — вытворцу кантэнту для расійскага прапагандысцкага тэлеканала «Рен-ТВ», выдаваў сябе за карэспандэнта Рускай службы Бі-бі-сі Марка Назарава, каб атрымаць магчымасць здымаць мерапрыемствы з удзелам расійскіх апазіцыянераў у Еўропе. Пра гэта паведаміла сама Руская служба Бі-бі-сі.
Шыраеў, як сцвярджаецца, зарэгістраваў акаўнты ў месенджарах на брытанскі нумар тэлефона пад імем «Марк Назараў», стварыў пошту з адрасам на імя Марка Назарава са згадкай Бі-бі-сі і нават надрукаваў падробленую прэс-карту карэспандэнта Брытанскай вяшчальнай карпарацыі.
Пад іменем Марка Назарава Шыраеў паспрабаваў акрэдытавацца на сустрэчу з расійскай тэлевядучай Таццянай Лазаравай, якая прыехала ў Дзюсельдорф на здымкі праекта пра падлеткаў-мігрантаў. Арганізатар сустрэчы актывіст Юрый Нікіцін пасля перапіскі з Назаравым засумняваўся ў тым, што ён працуе ў Бі-бі-сі, бо не знайшоў згадак такога рэпарцёра на сайце выдання.
Устанавіць асобу псеўдарэпарцёра ўдалося з дапамогай зваротнага пошуку па фатаграфіі з яго профілю ў тэлеграме. Ён прывёў на старонку ва «ВКонтакте» пад імем Harizmatica Shiryaev. На гэтай жа старонцы ён прадстаўляецца цалкам — Айрат Маратавіч Шыраеў. На старонках у іншых сацсетках ягоным месцам працы пазначана «Рен-ТВ».
Калі «Марку Назараву» патэлефанавалі на пазначаны брытанскі нумар і паспрабавалі высветліць ягоную асобу, ён працягваў настойваць, што працуе ў Бі-бі-сі, а раней нібыта працаваў «на «Эхе Москвы» і з'ехаў з Расіі пасля пачатку вайны з Украінай. На пытанне, чаму яго называюць Айратам, ён заявіў, што гэта непаразуменне.
Калі неўзабаве Шыраеву напісалі ў тэлеграм, ужо па ягоным расійскім нумары тэлефона, ён напісаў у адказ:
«Не задавайце дурных пытанняў, каб не атрымліваць дурных адказаў. А я не хачу расказваць. Асабліва такім таварышам, як вы. Зменіце пазіцыю, прыедзеце ў Маскву, можа, раскажу, як мая фатаграфія на прэс-карце «Бі-бі-сі» апынулася. А цяпер я прапаную вам зліцца ў закат і не перашкаджаць працаваць».
У Расіі хочуць адмяніць рэабілітацыю значнай колькасці ахвяр савецкіх рэпрэсій. Пакінуць толькі апалітычных і «добранамераных»
Актывіст фонду Талая пахваліўся, што фінансава дамагае расійскай арміі і робіць унёсак у «агульную перамогу»
У шоу Салаўёва прызналі, што шанцы Расіі на перамогу ў рэальным супрацьстаянні з НАТА роўныя нулю
Салаўёў дапусціў адстаўку Пуціна дзеля лепшай абароны Расіі?
Каментары