Пра тое, што 3 кастрычніка ў жодзінскай паліклініцы ў чарзе па талоны памёр мужчына, якому на выгляд было за 70, паведамляе мясцовае выданне Ex-press.by са спасылкай на відавочцу.
«Мужчына прыехаў у паліклініку на ровары, прыкладна ў 6:30, сядзеў у чаканні, пакуль адкрыецца рэгістратура. Мёртвым яго выявіў іншы чалавек, які таксама стаяў у чарзе. Каб атрымаць талон да некаторых лекараў, людзі прыязджаюць вельмі рана», — расказаў сведка.
Чэргі па талоны да лекара з самага ранку займаюць не толькі ў Жодзіне, але і ў іншых гарадах. Так, у ліпені жыхар Барысава прыйшоў да будынка мясцовай паліклінікі а чацвёртай гадзіне раніцы, каб быць першым у чарзе па талон. Ён узяў з сабой крэсла.
У снежні 2023 года гарадская газета Жодзіна прызнала праблему недахопу талонаў да вузкіх спецыялістаў, але абвінаваціла ў ёй саміх пацыентаў:
- першая прычына: жодзінцы самастойна вызначаюць і выбіраюць канкрэтнага лекара без папярэдняй кансультацыі;
- другая: некаторыя пацыенты, атрымаўшы талоны, не з'яўляюцца на прыём, што адбіваецца на даступнасці талонаў.
Цяпер чытаюць
Аналітык Генштаба, які маляваў карту «адкуль рыхтавалася нападзенне», апынуўся ў СІЗА КДБ за працу на ўкраінскую разведку5
Каментары
Так сама паміраюць. Дзякуй Богу ня ў чарзе ( . Матачка мая Насвеншая .