Здароўе22

Прастуда без тэмпературы — добра ці дрэнна?

Што значыць, калі прастуда праходзіць без тэмпературы? Гэта кепскі ці добры знак? З такімі пытаннямі чытачка звярнулася ў рэдакцыю «Здаровыя людзі». 

Фота: vecteezy.com

— Маё дзіця часта хварэе на прастудныя захворванні, але, што характэрна, яны заўсёды праходзяць без тэмпературы. Можа быць закладзены нос, боль у горле і нават кашаль, а тэмпературы няма. Гэта ўвогуле нармальна? Ці значыць гэта, што ў дзіцяці моцны імунітэт? Ці, наадварот, адсутнасць тэмпературы падчас ВРВІ — гэта сімптом чагосьці не вельмі добрага? Святлана Каўрыга, Мінск.

Адказвае прафесар, загадчык кафедры дзіцячых інфекцыйных хвароб БДМУ, доктар медыцынскіх навук Аксана Раманава:

— Пачнем з таго, што рэспіраторных вірусных інфекцый вельмі шмат (цяпер налічваецца больш за 300 узбуджальнікаў). Некаторыя працякаюць з павышэннем тэмпературы, але пераважная большасць — без. Так, паводле даных медыцынскай літаратуры, уздым тэмпературы ў дзяцей назіраецца толькі ў 15-20 працэнтах выпадкаў вострай рэспіраторнай віруснай інфекцыі.

Тэмпература — гэта рэакцыя, якая сведчыць аб тым, што ў арганізме хворага выпрацоўваецца шмат цітокінаў — бялкоў імуннай сістэмы, якія забяспечваюць міжклеткавыя ўзаемадзеянні. Судзіць па ёй пра імунітэт ці рабіць высновы, змагаецца арганізм з інфекцыяй ці не, не варта. Ёсць рэакцыя — будзе тэмпература, няма рэакцыі — тэмпературы не будзе. Паўтаруся, толькі ў аднаго з 5 хворых на ВРВІ суправаджаецца павышэннем тэмпературы.

Часцей за ўсё адсутнасць гіпертэрміі характэрна для прастудных вірусных захворванняў. Калі дзіця чхае, кашляе, у яго закладзены нос, ён скардзіцца на боль у горле і агульнае адчуванне нездароўя, але пры гэтым не «гарыць» — гэта нармальна. Менавіта так прастуда працякае ў 80 выпадках са 100.

Аднак гэта не датычыцца грыпу, адэнавірусных інфекцый, энтэравірусаў, для якіх высокая тэмпература — характэрная асаблівасць.

Разам з тым неабходна перасцерагчы бацькоў. Нават калі ВРВІ працякае без тэмпературы, гэта не значыць, што дзіця здаровае і не заразнае для іншых. Таму ад наведвання дзіцячых калектываў — садоў і школ — лепш устрымацца.

Каментары2

  • Дмитрий
    12.11.2024
    "Нават калі ВРВІ працякае без тэмпературы, гэта не значыць, што дзіця здаровае і не заразнае для іншых. Таму ад наведвання дзіцячых калектываў — садоў і школ — лепш устрымацца." Каким образом? В белорусских поликлиниках нет температуры - нет больничного :)
  • Жвір
    12.11.2024
    Дрэнна.

Цяпер чытаюць

Ці варта чакаць даляр ніжэй за тры рублі?2

Ці варта чакаць даляр ніжэй за тры рублі?

Усе навіны →
Усе навіны

Што вядома пра былога каліноўца Васіля Грачыху, які трапіў у рукі беларускага КДБ?4

Сёння ў Ватыкане пачынаецца канклаў кардыналаў. Будзе абраны новы Папа

Культура «бум-бум» захоплівае Захад. Замест сціпласці — вульгарнасць і паказное багацце6

Індыя нанесла ўдар абмежаванага маштабу па некалькіх цэлях у Пакістане6

Polityka пра зніклыя грошы КР: Агулам былі знятыя 118 тысяч еўра11

«Лепш быць застрэленай у спіну, чым гадамі так сядзець». Беларуска расказала пра ўмовы ў ізалятары пасля затрымання на мяжы14

«За такія грошы хай самі носяць». Беларусы абураюцца цэнамі на вышыванкі ў барысаўскім універмагу7

Улады Літвы і Латвіі закрылі пралёт у Маскву самалёта прэзідэнта Сербіі9

Гродзенскі гісторык разгадаў загадку малюнка Напалеона Орды1

больш чытаных навін
больш лайканых навін

Ці варта чакаць даляр ніжэй за тры рублі?2

Ці варта чакаць даляр ніжэй за тры рублі?

Галоўнае
Усе навіны →

Заўвага:

 

 

 

 

Закрыць Паведаміць