У беларускай кандытарскай фабрыкі «Камунарка» выйшаў навагодні адвэнт-каляндар. Але беларусам ён не вельмі спадабаўся, піша Citydog.io.
«Камунарка» паказала навінку — адвэнт-каляндар, які ўжо даступны ва ўсіх фірмовых крамах і гандлёвых сетках Беларусі. Цана — 35,87 руб. за 355 г.
Аднак жа беларусы сустрэлі навінку хваляй крытыкі. Усё таму, што каляндар разлічаны толькі на 15 дзён і за невялікае напаўненне некаторыя лічаць такую цану неапраўдана высокай.
Скрынка адвэнт-календара аформленая ў навагоднім стылі, а ўсярэдзіне не толькі цукеркі. З аднаго боку размешчаны 15 акенцаў, а з другога — «гульня-хадзілка».
У першых ячэйках календара можна знайсці фірмовыя цукеркі «Камунаркі», а ў акенцы 6, 9 і 13 паклалі флікер кандытарскай фабрыкі, магніт у форме ялінкі на халадзільнік і магнітную закладку для кніг.
Рэакцыя беларусаў, была, аднак, не заўсёды станоўчая.
«А ў нас нешта 15-га ёсць? Свята нейкае? Адвэнт-календары на тое і робяцца, каб да Каляд… А гэты да чаго?»
«Адвэнт-каляндар павінен быць на 25, калі да Каляд, або на 31, калі да Новага года».
«Там на 15 дзён».
«Людзі, ау. Ну, можна ж падарыць 1 студзеня і адчыняць кожны дзень акенца. Іншая рэч, што за 15 цукерак неяк занадта дорага».
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»3
Каментары