Мясцовае ЖЭУ сцвярджае, што дэратызацыя ў гэтым доме ўжо праведзеная. Аднак мясцовыя жыхары не бачаць вынікаў і баяцца заходзіць у пад'езд, дзе могуць напаткаць пацукоў, піша «Віцебская вясна».
Пра выпадак, калі пацук у адным з пад'ездаў дома на Смаленскай вуліцы напалохаў дзіця, напісалі падпісчыкі пабліка «Нитипичный Витебск» у «ВКонтакте».
Яны паведамілі, што ў камунальную службу 115.бел падавалі заяўкі на дэратызацыю ўжо 4 разы. І штораз ЖЭУ №9 паведамляе заяўнікам, што меры па знішчэнні пацукоў і мышэй ужо прынятыя.
Не дачакаўшыся дапамогі ад адказных службаў, жыхары дома звярнуліся да старшыні гарвыканкама Аляксея Героева.
«У падвале дома №5 корпус 1 па Смаленскай вуліцы працягваецца нашэсце пацукоў, якія ствараюць пагрозы для бяспекі і здароўя людзей. Адмысловую трывогу выклікае той факт, што ў 4-м пад'ездзе неаднаразова фіксаваліся выпадкі нападу пацукоў на мясцовых жыхароў. Апошні інцыдэнт быў звязаны з пярэпалахам дзіцяці, што выклікала сур'ёзны стрэс. Цяпер яно баіцца заходзіць у пад'езд, і дарослыя жыхары ўвесь час адчуваюць небяспеку».
Заяўнікі падкрэсліваюць, што сумняюцца ў якасці выкананых работ і эфектыўнасці прынятых мер. Таму просяць, каб на ўзроўні гарвыканкама была праведзена праверка дзейнасці ЖЭУ № 9, каб было арганізавана паўторнае прафесійнае знішчэнне грызуноў, а санітарны стан дзевяціпавярховага дома быў пастаўлены на асобны кантроль — каб «аднавіць бяспеку і спакой» мясцовых жыхароў.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары