Паводле інфармацыі МНС, у пятніцу ўвечары (у 22:14) паступіла паведамленне аб пажары ў кватэры на вуліцы Ульянаўскай у Бабруйску.
Скрыншот з відэа
Ратавальнікі выявілі дым на восьмым паверсе будынка. У гарэлай кватэры нікога не было. У выніку агнём пашкоджаная маёмасць у пярэднім пакоі, закураныя сцены і столь у кватэры.
Пасля агляду брыгадай хуткай медыцынскай дапамогі з кватэр на 10 і 11 паверхах былі шпіталізаваныя чацвёра дзяцей: трое васьмігадовых хлопчыкаў і дзесяцігадовая дзяўчынка з дыягназам «атручэнне прадуктамі гарэння».
Паводле папярэдняй версіі, прычынай пажару стала кароткае замыканне свяцільніка на столі.
Стан пацярпелых дзяцей здавальняючы.
Каментары