Адзіны пралукашэнкаўскі канал на беларускай мове прыпыняе сваю працу
Стваральніца тэлеграм-канала «Верашчака» Зоя Серада напісала, што не мае часу на стварэнне кантэнту, але, магчыма, яна не вытрымала ціску з боку прарасійскіх актывістаў.
«Ужо больш за год мінула з таго моманту, калі я вырашыла стварыць гэты беларускамоўны канал. Рашэнне гэта ўзнікла не спантанна, я да яго ішла пэўны час, калі беларускамоўныя рэсурсы, якія я спажывала, адзін за другім траплялі ў спіс забароненых, а замест іх ніхто нічога не прапанаваў. Выглядае гэта сумна, але і зараз сітуацыя такая ж. Беларуская мова знікае нават з адзінага нібыта беларускага канала тэлебачання. Але…
Але на жаль, з новага года часу на Верашчаку ў мяне ўжо не застанецца. Усё ж кантэнт трэба не толькі кінуць на канал, але і знайсці яго, і перапрацаваць, часам перакласці з рускай на беларускую мову. Таму ў нас з вамі апошнія дні.
Не засмучайцеся вельмі, зносіць канал я не буду. Тым больш, што з вамі застанецца яшчэ адзін адмін. Проста пастаянных публікацый і рубрык тут ужо не будзе дакладна. Калі патраплю на што цікавае, то падзялюся з вамі, а не, то і не», — піша Серада.
Яна прапанавала падпісчыкам далучацца да вядзення канала, калі хто мае жаданне дапамагчы.
Зоя Серада, аўтарка культурнага канала «Верашчака», жыве ў аграгарадку Нарач Мядзельскага раёна, працуе ў дзіцячым садзе і захапляецца лялечным мастацтвам.
У сваім канале яна нярэдка высмейвала Бондараву і яе памагатых, якія не толькі заклікаюць знішчаць усё беларускае, але і нярэдка выказваюць з гэтай нагоды крамольныя думкі наконт беларускіх уладаў.
Прарасійскія актывісты хэйцяць канал Серады за прабеларускасць, што яны атаясамліваюць з русафобіяй. Яны таксама абвінавацілі Зою Сераду ў прызнанні тэлеграм-канала «За Саюзную дзяржаву Беларусі і Расіі» экстрэмісцкім. Канал гэты меў выразную антыбеларускую скіраванасць.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?7
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары