Марк Цукерберг заявіў пра адмову ад фактчэкераў і «вяртанне да каранёў»
Амерыканскі бізнэсмен Марк Цукерберг, найбольш вядомы як уладальнік сацсетак Facebook і Instagram, заявіў пра занадта вялікую колькасць памылак і цэнзуры ў сэрвісах ягонай кампаніі Meta. У сувязі з гэтым у іх анансаваныя вялікія рэформы.
Паводле слоў Марка Цукерберга, Facebook і Instagram надалей адмовяцца ад фактчэкераў, а замест іх з'явяцца «заўвагі супольнасці». Іншая праграма фактчэкінгу, якая выкарыстоўвалася Meta апошнія некалькі гадоў, будзе скасаваная. Яе заменяць заўвагі карыстальнікаў, аналагічныя падыходу ў сацсетцы X.
«Мы дасягнулі пункту, калі ў нас стала занадта шмат памылак і цэнзуры. Нядаўнія выбары [прэзідэнта ЗША] сталі пераломным момантам на карысць таго, каб зноў паставіць свабоду слова ў прыярытэт. Мы збіраемся вярнуцца да нашых каранёў, засяродзіцца на змяншэнні колькасці памылак, спрашчэнні палітыкі і аднаўленні свабоды слова на нашых платформах», — заявіў Цукерберг у відэазвароце.
Усю віну за ранейшую цэнзуру ў Meta Цукерберг усклаў на ўрад ЗША і традыцыйныя СМІ, заявіўшы, што менавіта яны ціснулі на ягоную кампанію.
Цяпер цэнзура застанецца толькі для асабліва крымінальных запісаў, прысвечаных наркотыкам, тэрарызму і эксплуатацыі дзяцей.
Facebook амаль дзесяць гадоў даваў чытаць кампаніі Netflix асабістыя паведамленні карыстальнікаў
Рэдагаванне выяў з дапамогай генератыўнага ШІ прыходзіць у Instagram
Instagram зробіць Reels больш працяглымі для канкурэнцыі з TikTok і YouTube?
Што такое Bluesky, куды беларусы сыходзяць з твітара? І ў якім стане цяпер Bel_sky?
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары
Цэнзура - гэта ...