«ХАМАС парушае дамоўленасці і ў апошнюю хвіліну стварае крызіс, які перашкаджае пагадненню, — гаворыцца ў заяве ізраільскага прэм'ер-міністра Біньяміна Нетаньяху.
Канцылярыя Прэм'ер-міністра Ізраіля Біньяміна Нетаньяху заявіла 16 студзеня, што палесцінская групоўка ХАМАС адмовілася ад некаторых пагадненняў у апошнюю хвіліну, што перашкаджае дасягненню ўгоды аб замірэнні.
«ХАМАС парушае дамоўленасці і ў апошнюю хвіліну стварае крызіс, які перашкаджае пагадненню», — гаворыцца ў заяве прэм'ер-міністра, апублікаванай на англійскай і іўрыце. — Ізраільскі кабінет не збярэцца, пакуль пасярэднікі не паведамяць Ізраілю пра тое, што ХАМАС прыняў усе элементы пагаднення».
Між тым у ХАМАС заявілі, што рух застаецца прыхільным да пагаднення аб спыненні агню ў сектары Газа. Пра гэта паведаміў Reuters са спасылкай на прадстаўніка групоўкі Ізата ар-Рышка.
15 студзеня было абвешчана, што Ізраіль і ХАМАС дасягнулі пагаднення аб перамір'і і вызваленні закладнікаў. Яно прадугледжвае шасцітыднёвы этап спынення агню і паступовы вывад ізраільскіх войскаў з Газы, а таксама вызваленне закладнікаў, якія ўтрымліваюцца ХАМАС, у абмен на палесцінскіх зняволеных.
Цяпер чытаюць
Ад «шыкоўнага гатэля» да адной прыбіральні на паверх. У якіх інтэрнатах сёлета жывуць студэнты ВІДЭА3
Каментары