Еўрасаюз сёння рыхтуецца чарговым разам узгадніць падаўжэнне санкцый супраць Расіі, а Венгрыя гатовая падтрымаць гэтую пастанову, пішуць Bloomberg і Politico са спасылкай на крыніцы.
У гэты дзень у Бруселі адбудзецца сустрэча міністраў замежных спраў краін ЕС. Венгрыя пойдзе на саступкі ў абмен на заяву, у якой будуць згаданыя яе асцярогі наконт «энергетычнай бяспекі», паведамляе Politico.
У гэты раз Венгрыя прапанавала скасаваць санкцыі супраць Расіі, прэм'ер Віктар Орбан папярэдзіў, што пагодзіцца на падаўжэнне абмежаванняў калі Украіна выканае некалькі ўмоў: аднаўленне транзіту расійскага газу, не атакаваць інфраструктуру «Турэцкага патоку» і не перашкаджаць пастаўкам расейскай нафты ў Еўропу праз сваю тэрыторыю.
Палітык звязваў свае дзеянні з вяртаннем Дональда Трампа на пасаду прэзідэнта ЗША.
Першыя прыкметы адмовы Будапешта ад пазіцыі вета выявіліся яшчэ ў сярэдзіне мінулага тыдня, паведамлялі Politico дыпламаты на ўмовах ананімнасці.
«Я думаю, што Венгрыі лепш бы пераправерыць інфармацыю ў свайго амерыканскага героя. Здаецца, ён вельмі падтрымлівае санкцыі супраць Расеі», — падзяліўся адзін з іх.
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук4
Каментары