У Мінскім раёне даішнікі гналіся за падлеткам, што ўцякаў на квадрацыкле
Падлетак спыніўся сам, калі прыехаў дадому.
Скрыншот відэа
Жыхары Старога Сяла ў Мінскім раёне паскардзіліся, што па вуліцах вёскі носяцца квадрацыклы. На месца адправілі нарад ДАІ.
У вёсцы даішнікі ўбачылі адзін квадрацыкл. Кіроўца, заўважыўшы міліцыянераў, паскорыўся і паспрабаваў знікнуць. Пачалася пагоня. Хлопец за рулём квадрацыкла некалькі разоў праігнараваў патрабаванне спыніцца.
Праз некаторы час кіроўцу ўсё ж затрымалі. Ён спыніўся каля свайго дома. Высветлілася, што за рулём квадрацыкла быў 17-гадовы падлетак.
На хлопца склалі тры пратаколы, квадрацыкл даішнікі арыштавалі. Цяпер юным кіроўцам будзе займацца камісія па справах непаўналетніх.
Каментары