Свет55

ЗША адкладаюць санкцыі супраць Канады на месяц

Злучаныя Штаты адкладуць на месяц увядзенне імпартных пошлін на канадскі экспарт у ЗША, абвясціў у панядзелак Дональд Трамп. Заява была зроблена за некалькі гадзін да таго, як яго ўказ павінен быў уступіць у сілу, згодна з якім тавары з Канады абкладаліся б 25-працэнтнай імпартнай пошлінай, піша Радыё Свабода.

Фота: Chip Somodevilla / Getty Images

Сваё рашэнне Дональд Трамп прыняў пасля тэлефоннай размовы з прэм’ер-міністрам Канады Джасцінам Трудо, які паабяцаў увесці дадатковыя меры бяспекі на канадска-амерыканскай мяжы.

«Канада пагадзілася гарантаваць бяспеку нашай паўночнай мяжы і пакласці канец смяротнаму патоку наркотыкаў, такіх як фентаніл, у нашу краіну», — паведаміў прэзідэнт Трамп на сваёй старонцы ў сацыяльнай сетцы.

Прэм’ер-міністр Трудо пасля размовы з прэзідэнтам ЗША заявіў, што Канада мае намер прыняць дадатковыя меры па ахове мяжы з ЗША, павялічыўшы колькасць памежнай службы на 10 тысяч чалавек, накіраваўшы на ахову мяжы верталёты, пашырыўшы супрацоўніцтва з амерыканскім бокам і прызначыўшы чыноўніка, адказнага за барацьбу з кантрабандай фентанілу.

На рэалізацыю новага плана аховы мяжы вылучаны адзін мільярд трыста мільёнаў даляраў. Канада таксама ўключыць наркакартэлі ў спіс тэрарыстычных арганізацый.

Двумя днямі раней прэзідэнт ЗША Дональд Трамп падпісаў прэзідэнцкія ўказы, якімі прадугледжваецца ўвядзенне 25-працэнтнай імпартнай пошліны практычна на ўвесь канадскі і мексіканскі імпарт у Злучаныя Штаты. Прэзідэнт Трамп матываваў сваё рашэнне тым, што Мексіка і Канада не спынілі паток нелегальных мігрантаў праз мяжу з ЗША і не прынялі неабходных мер для перахопу наркотыкаў, асабліва фентанілу.

У панядзелак, за некалькі гадзін да ўступлення прэзідэнцкіх указаў у сілу, было абвешчана аб дасягненні пагаднення паміж прэзідэнтам Трампам і прэзідэнтам Мексікі Клаўдыяй Шэйнбаум, у рамках якога ўвядзенне пошлін будзе адкладзена на месяц.

Рашэнне Трампа аб пошлінах у 10% на імпарт з Кітая, таксама абнародаванае 1 лютага, застаецца ў сіле.

Каментары5

  • Андрусь
    04.02.2025
    Больш наркотыкаў ідзе з ЗША ў Канаду чым з Канады ў ЗША
  • Samy
    04.02.2025
    Андрусь , откуда информация? Или это твои фантазии?
  • Васіль
    04.02.2025
    Чаго і трэба было чакаць.
    Цяпер шульцы на чарзе.

Цяпер чытаюць

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння8

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Усе навіны →
Усе навіны

Мінская дызайнерка: Размаўляць па-беларуску, не спытаўшы суразмоўцу, ці зручна яму, — свінства88

У Амурскай вобласці Расіі дзяўчына выпадкова выкінула $75 тысяч. Увішныя суседзі знайшлі на сметніку: частку прапілі, на рэшту купілі дом1

На вуліцы Матусевіча ў Мінску побач з дзіцячым садком упаў беспілотнік38

Камандарм Літвы: Можа быць і так, што ніякі аб'ект у Літву з Беларусі і не залятаў4

У ахоўніка Пуціна заўважылі ў руках невядомую прыладу. Эксперты вызначылі яго як дрон-перахопнік4

Расія ўдарыла па калоніі ў Запарожскай вобласці. Загінулі 16 чалавек

«Фантастычная чацвёрка: Першыя крокі» — новы блакбастар з супергероямі і Педра Паскалем. Там згадваецца і Мінск3

Як змяніліся беларусы пасля 2020 года? Цікавае назіранне былога палітвязня8

Украінскія беспілотнікі атакавалі буйны чыгуначны вузел у Растоўскай вобласці2

больш чытаных навін
больш лайканых навін

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння8

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Галоўнае
Усе навіны →

Заўвага:

 

 

 

 

Закрыць Паведаміць