У новым выпуску ТОКу вядомая юрыстка, былая загадчыца кафедры міжнароднага права факультэта міжнародных адносін БДУ Кацярына Дзяйкала патлумачыла, ці павінна Беларусь плаціць рэпарацыі Украіне.
Адказ на пытанне, ці будзе Беларусь плаціць Украіне рэпарацыі, на погляд Дзяйкалы, залежыць ад некалькіх фактараў, у тым ліку ад таго, ці будзе Украіна гэтага патрабаваць.
Але, заўважае эксперт, нават у выпадку, калі такое патрабаванне афіцыйна не будзе высунута, Беларусь можа добраахвотна пайсці на такі крок, як гэта зрабіла Аўстрыя пасля заканчэння Другой сусветнай вайны.
Watch on TikTok
Эксперт адзначае, што яна сама лічыць, што Беларусь павінна плаціць рэпарацыі, бо гэта «вялікі ўклад ў пераасэнсаванне таго, што адбылося, і нашай адказнасці». Гэта пытанне, як адзначае Дзяйкала, павінна шырока абмяркоўвацца ў беларускім грамадстве. Выплата рэпарацый — гэта частка калектыўнай адказнасці, праява добрасумленных паводзін.
«Калі Украіна будзе патрабаваць, мы адназначна павінны [плаціць]. (…) Калі Украіна не патрабуе, то я думаю, што неяк гэтае пытанне павінна быць прагаворана. Гэта адказнасць новага ўрада, у тым ліку па частцы адмывання дзяржавы ад таксічнага аблічча, што яму дасталася ў спадчыну. Гэта будзе задачай новага ўраду — адмыцца.
Так не атрымаецца, што, ведаеш, мы тыпу прыйшлі, анучкай выцерлі як бы і ўсё. Не, гэта ўсё за намі ідзе. Гэта суперважна — адказная пазіцыя новага ўрада. І дарослая, я б сказала, пазіцыя. Не саскочыць, калі можна, а падумаць аб тым, наколькі гэта важна. І ўзяць адказнасць на сябе», — даводзіць Дзяйкала.
Эксперт звяртае ўвагу на важнасць пры будучай распрацоўцы і прыняцці дамоўленасцяў аб выплаце рэпарацый абавязкова прымаць пад увагу той факт, што грамадства не магло паўплываць на рашэнні органаў кіравання дзяржавай, але супраціўлялася гэтаму рашэнню і пацярпела.
Глядзіце цалкам:
Чаму Беларусь нельга лічыць акупаванай? Тлумачыць юрыст
Дзяйкала: Наша сітуацыя не цягне на Міжнародны трыбунал у Гаазе. Важна, каб працэс над Лукашэнкам адбыўся ў Мінску
«Калі ўнучка Лукашэнкі паступіла на факультэт, усе думалі: госпадзе, хоць бы не да мяне на спецыяльнасць»
Украінскі палітык Сяргей Прытула выставіў патрабаванне да Ціханоўскай
Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13
Каментары