На рэйсавым аўтобусе з Польшчы ў Беларусь спрабавалі правезці 15 пітонаў
Гэта ўжо другая спроба завесці жывёл у краіну, піша прэс-служба мытні.
15 пітонаў схавалі пад лядоўняй у рэйсавым аўтобусе з Польшчы. Яны былі ў пластыкавых кантэйнерах.
Кіроўца аўтобуса «Варшава-Мінск», які апынуўся палякам, сказаў мытнікам, што вязе толькі асабістыя рэчы. Месца са схаванымі пітонамі знайшлі праз скан транспарту.
Каб дастаць пітонаў з тайніка, мытнікі раскруцілі канструкцыю, на якой была ўсталявана лядоўня.
Жывёл перадалі ў заапарк, а грамадзяніна Польшчы абвінавачваюць у перавозцы тавараў, якія трэба дэклараваць, без дэкларацыі (частка 2 арт 15.1 КаАП).
У 2024 адбылася першая спроба завезці пітонаў з Польшчы ў Беларусь: тады ў тым жа аўтобусе «Варшава-Мінск» мытнікі знайшлі 19 сетачных пітонаў. Іх заўважылі ў тайніку пад лесвіцай і так жа перадалі ў заапарк.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока5
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары