У Расіі вызвалілі амерыканца, якога нядаўна затрымалі за канабіс у багажы
Амерыканскага музыку Калеба Баерса Уэйна, нядаўна затрыманага ў маскоўскім аэрапорце «Унукава», вызвалілі з СІЗА. Цяпер ён знаходзіцца ў амерыканскім пасольстве ў Маскве і чакае вылету ў ЗША, паведамілі ягоныя блізкія.
Грамадзяніна ЗША Калеба Баерса Уэйна затрымалі ў аэрапорце «Унукава» па справе аб нібыта кантрабандзе наркотыкаў. 10 лютага ён быў арыштаваны. Яму выставілі абвінавачанне, якое прадугледжвае пазбаўленне волі на тэрмін да 7 гадоў.
Маці арыштаванага амерыканца тлумачыла, што яе сын з 15 гадоў пакутуе ад цяжкай формы эпілепсіі і прымае лекі ад сутаргаў, а нядаўна прыступы сталі адбывацца часцей, з-за чаго ён прымаў легальныя ў ЗША «жавальныя цукеркі з вітамінам С, мелатанінам і КБД (канабідыёлам) з замяшчальнікам ТГК (тэтрагідраканабіёла) у іх». Любы, хто ведае Уэйна, пацвердзіць: ён не наркаман і не займаецца кантрабандай наркотыкаў, а з'яўляецца добрапрыстойным грамадзянінам, заяўляла жанчына.
17 лютага бацькі Уэйна расказалі, што ён вызвалены, знаходзіцца ў амбасадзе ЗША і чакае рэйс дадому.
Адметна, што арышт адбыўся праз некалькі дзён пасля абмену зняволенымі паміж ЗША і Расіяй, які Белы дом назваў прыкметай дыпламатычнай адлігі і крокам да спынення вайны ва Украіне.
Вызваленне гэтага амерыканца можна разглядаць у кантэксце запланаваных перамоў Расіі і ЗША, у рамках якіх Масква чакае, што атрымаецца пагаварыць пра аднаўленне ўсяго комплексу расійска-амерыканскіх адносін, заявіў прэс-сакратар прэзідэнта Расіі Дзмітрый Пяскоў.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос8
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4848
Каментары