Колькі пратрымаецца Украіна без амерыканскага ўзбраення? І ці паспее Еўропа раскачагарыцца ў такім выпадку?
Вытворчасць, а таксама пастаўкі ўзбраенняў Украіне аналізуе The Wall Street Journal і спрабуе даць адказ, што будзе, калі ЗША спыняць пастаўкі.
Па інфармацыі выдання, сёння Украіна вырабляе або фінансуе закупку 55% свайго ўзбраення і тэхнікі, Еўропа пастаўляе 25%, ЗША — 20%.
Еўропа рыхтуецца павялічыць вайсковую дапамогу Украіне. У 2024 годзе яна склала каля $25 млрд — больш, чым ад ЗША. У Еўропе абмяркоўваюць магчымасці павялічыць гэтую суму да $30 млрд у 2025 годзе.
Украінскі ВПК цяпер у сукупнасці вырабляе ўзбраенняў на $30 млрд у год. Да прыкладу, Украіна цяпер вырабляе 2,5 млн артылерыйскіх і мінамётных боепрыпасаў у год. Еўропа ў 2024 годзе зрабіла 1,4 млн снарадаў і мае намер выйсці на 2 млн сёлета. ЗША за тры гады вайны паставілі Украіне 3 млн артылерыйскіх боепрыпасаў.
Праблема ў тым, што ЗША пастаўлялі шматлікія ўзбраенні, якія літаральна немагчыма замяніць. Гэта сістэмы і перахопнікі СПА, дальнабойная ракетная артылерыя (HIMARS і GMLRS), навігацыйныя сістэмы і балістычныя ракеты (ATACMS). Еўропа вырабляе не так шмат такой наменклатуры, а некаторую не вырабляе ў прынцыпе.
Заключаныя яшчэ пры Байдэне кантракты на вытворчасць узбраенняў для Украіны па праграме USAI павінны працягвацца ў 2025-26 гады (калі Трамп іх не адменіць).
Але дэфіцытнае амерыканскае ўзбраенне стане самай вялікай праблемай у выпадку спынення амерыканскай дапамогі.
Па словах заходніх чыноўнікаў, паставак амерыканскіх узбраенняў, выдзеленых пры Байдэне ў яго апошнія месяцы, будзе дастаткова, каб Украіна захоўвала сваю бягучую баяздольнасць як мінімум да пачатку — сярэдзіны лета. Пасля гэтага пачне адбівацца недахоп некаторых ключавых відаў узбраенняў.
Старэйшы аналітык фонду «Вярніся жывым» Мікалай Белескаў лічыць, што пры бягучых пастаўках ваеннай дапамогі Украіна зможа пратрымацца ад паўгода да года. А Еўропа павінна будзе выкарыстаць гэты час, каб яшчэ больш разагнаць сваю вытворчасць узбраенняў.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары