Прэзідэнт ЗША падкрэсліў, што не хацеў бы заахвочваць імкненне Кіева да працягвання ваенных дзеянняў.
Перад адлётам з Вашынгтона ў сваю рэзідэнцыю ў Мар-а-Лага ўвечары ў пятніцу Дональд Трамп пракаментаваў журналістам сваю сустрэчу з украінскім лідарам Уладзімірам Зяленскім у Белым доме, піша «Голас Амерыкі».
«У пятніцу, як вы ведаеце, у нас была сустрэча з прэзідэнтам Зяленскім, і я бы сказаў, што яна прайшла не зусім удала, — заявіў Трамп. — Я думаю, ён вельмі моцна пераацаніў свае магчымасці».
Прэзідэнт ЗША падкрэсліў, што не хоча заахвочваць Украіну да працягвання вайны, а замест гэтага імкнецца да «трывалага міру».
«Мы хочам міру, нам не трэба, каб нехта стаў магутнай дзяржавай, а потым адмовіўся заключаць мір, адчуваючы сваю сілу, — сказаў Трамп. — І менавіта гэта я зараз назіраю. Я імкнуся да міру. Мы не хочам увязацца ў дзесяцігадовую вайну і гуляць у гульні. І мне падалося, што калі мы гэта зробім, калі мы падпішам (пагадненне), ён будзе імкнуцца да таго, да чаго я не імкнуся. Ён хоча працягваць змагацца, змагацца, змагацца. А мы хочам пакончыць са смерцю».
Падкрэсліваючы, што ў Зяленскага «вельмі слабы набор карт», Трамп заявіў: «Калі мы падпішам пагадненне, у яго будзе вельмі моцны набор карт, і тады ён не захоча заключаць мір. Я не хачу зацягваць гэта ўсё. Я хачу неадкладнага міру. Прэзідэнт Пуцін хоча пакончыць з гэтым. І вы бачылі тое, што бачыў я сёння. Гэты чалавек хоча, каб мы падпісалі і працягвалі ваяваць. А мы гэтага не робім…»
Трамп таксама заявіў, што Зяленскі — «не той чалавек, які хоча заключыць мір», у той час як ЗША зацікаўленыя «ў спыненні кровапраліцця».
«Зараз у яго няма карт, — сказаў Трамп. — Пасля здзелкі ў яго будуць усе карты, але гэта не значыць, што ён можа і далей ваяваць. Ён павінен спыніць вайну, спыніць смерць».
Тым часам, паводле інфармацыі агенцтва Reuters, са спасылкай на высокапастаўленага амерыканскага чыноўніка, прэзідэнт Дональд Трамп не зацікаўлены ў пераглядзе або аднаўленні здзелкі па Украіне.
Дзяржсакратар ЗША Марка Рубіа, як паведамляе Agence France-Presse, у пятніцу заклікаў украінскага лідара Уладзіміра Зяленскага выбачыцца за папярэднюю стычку з Трампам.
Зяленскі павінен «выбачыцца за тое, што змарнаваў наш час на сустрэчу, якая павінна была завяршыцца не так, як яна завяршылася», — заявіў Рубіа ў эфіры CNN.
Тым часам дырэктар Нацыянальнай разведкі ЗША абвінаваціла Украіну і Зяленскага ў «спробе ўцягнуць Злучаныя Штаты ў ядзерную вайну з Расіяй».
Тулсі Габард у сваім асабістым акаўнце ў сацыяльных сетках падзякавала прэзідэнту Трампу за тое, што ён «стаіць на варце інтарэсаў амерыканскага народа і міру».
Зяленскі не стаў выбачацца за публічную перапалку з Трампам і Вэнсам
Кіраўнік Дзярждэпа: Зяленскі павінен выбачыцца за тое, што ператварыў перамовы ў фіяска
Стэнаграма рэзкай размовы Трампа, Вэнса і Зяленскага
Зяленскі пасля звадкі з Трампам стэлефанаваўся з прэзідэнтам Францыі і генсакам НАТА
Трамп і Зяленскі пасварыліся ў жывым эфіры
Цяпер чытаюць
«Што вы гадасць амерыканскую падсоўваеце?» Лукашэнка загадаў, каб у Мак.by было ўсё беларускае7
Каментары
Вашингтон поддерживает Украину лишь в той мере, в какой это выгодно США, а не исходя из моральных или юридических обязательств. В то время как Украина теряет территории и людей, США выдвигают жесткие условия, а не оказывают безоговорочную помощь.