Былы прэм'ер-міністр Беларусі Раман Галоўчанка ўзначаліў Нацбанк. Лукашэнка адправіў у адстаўку Паўла Калаўра, які кіраваў Нацбанкам 10 гадоў.
«Гэта прызначэнне звязана з тым, што Раман Аляксандравіч заўсёды хацеў большай уцягнутасці банка і банкаўскай сістэмы ў эканоміку. Вопытны чалавек. Вельмі важнае прызначэнне. Я мяркую, што яны з Аляксандрам Генрыхавічам [Турчыным] знойдуць супольную мову і нарэшце паставяць з ног на галаву некаторыя пытанні нашай эканомікі, якія»? — сказаў Лукашэнка.
Ён падзякаваў Раману Галоўчанку за тое, што ён пагадзіўся на гэту пасаду.
«Абсалютна шчыра хачу публічна сказаць, каб не было пагалосак. Вы туды не ідзяце адпачываць <> па маёй задуме вы дакладна не адпачнеце, — сказаў Лукашэнка. — Я хачу, каб у нас у гэтай пяцігодцы як мінімум эканомікай займаліся вельмі вопытныя, моцныя людзі, арганізатары і эканамісты.
Раману Галоўчанку 51 год. Апошнія 5 год займаў пасаду прэм'ера. Са снежня 2009 па красавік 2013 года — першы намеснік старшыні Дзяржаўнага ваенна-прамысловага камітэта. З 2013 да 2018 года — Надзвычайны і Паўнамоцны Пасол у Аб’яднаных Арабскіх Эміратах. З 2018 па чэрвень 2020 года — старшыня Дзяржаўнага ваенна-прамысловага камітэта Рэспублікі Беларусь. У 1997 годзе быў прызначаны галоўным спецыялістам Рады бяспекі, дзе прапрацаваў пяць гадоў. Тры гады пасля гэтага працаваў у Генеральнай пракуратуры загадчыкам аддзелу.
Лукашэнка адправіў у адстаўку Паўла Калаўра, які кіраваў Нацбанкам 10 гадоў. Пры ім запаволілася інфляцыя, скончыліся пляскі з чорным курсам даляра.
Спявачку Мэрыем Герасіменка на працягу двух гадоў збіваў муж43
Каментары